24 მარტს, MMA-ში საქართველოს ჩემპიონატის მეორე ტური გაიმართება.
საქართველოს შერეული საბრძოლო ხელოვნებების ეროვნული ფედერაციის ორგანიზებულ ტურნირში 18 მებრძოლი მიიღებს მონაწილეობას.
სამწუხაროდ, პირველი ტურის მთავარი ჰაილაითის შემქმნელი ოთარ თანზილოვი დაშავდა და ამ ტურში ვერ იჩხუბებს. ტურნირის მეორე ტურში ასლან გორგიშვილიც ვერ იჩხუბებს, რომელმაც სერბეთში გამართულ საერთაშორისო ტურნირზე მიიღო მონაწილეობა. გორგიშვილის ნაცვლად ტურნირში თამაზ ბოჭორიშვილი ჩაერთო.
