Taonews.ge https://taonews.ge/ Mon, 26 Oct 2026 02:32:16 +0000 ka-GE hourly 1 https://wordpress.org/?v=7.1.3 https://taonews.ge/wp-content/uploads/2026/04/cropped-fav-32x32.png Taonews.ge https://taonews.ge/ 32 32 კახა კახიშვილი ჟურნალისტ დიტო ჩუბინიძის დაპატიმრებაზე-საქმე სასამართლოში არსებით განხილვამდე არ მივა https://taonews.ge/%e1%83%99%e1%83%90%e1%83%ae%e1%83%90-%e1%83%99%e1%83%90%e1%83%ae%e1%83%98%e1%83%a8%e1%83%95%e1%83%98%e1%83%9a%e1%83%98-%e1%83%9f%e1%83%a3%e1%83%a0%e1%83%9c%e1%83%90%e1%83%9a%e1%83%98%e1%83%a1%e1%83%a2/ Mon, 26 Oct 2026 02:32:16 +0000 https://taonews.ge/?p=1538 ადრე საბოტაჟის მუხლი ასე ადვილად არ გამოიყენებოდა პროკურატურის მიერ, ახლა რაღაც ახალ სამართლებრივ მექანიზმთან გვაქვს საქმე. საბოტაჟი უნდა დაამტკიცო, ამ საქმეში კი ჩვენ მხოლოდ აბსტრაქციას ვხედავთ, – ამის შესახებ „ქართული ოცნების“ ყოფილმა დეპუტატმა კახა კახიშვილმა „ასავალ-დასავალის“ ჟურნალისტის, დიტო ჩუბინიძის პატიმრობასთან დაკავშირებით საუბრისას განაცხადა. კახიშვილის ვარაუდით, აღნიშნული საქმე სასამართლოში არსებით განხილვამდე არ მივა, რადგან პროკურატურას ჩუბინიძისთვის ყველა […]

The post კახა კახიშვილი ჟურნალისტ დიტო ჩუბინიძის დაპატიმრებაზე-საქმე სასამართლოში არსებით განხილვამდე არ მივა appeared first on Taonews.ge.

]]> ადრე საბოტაჟის მუხლი ასე ადვილად არ გამოიყენებოდა პროკურატურის მიერ, ახლა რაღაც ახალ სამართლებრივ მექანიზმთან გვაქვს საქმე. საბოტაჟი უნდა დაამტკიცო, ამ საქმეში კი ჩვენ მხოლოდ აბსტრაქციას ვხედავთ, – ამის შესახებ „ქართული ოცნების“ ყოფილმა დეპუტატმა კახა კახიშვილმა „ასავალ-დასავალის“ ჟურნალისტის, დიტო ჩუბინიძის პატიმრობასთან დაკავშირებით საუბრისას განაცხადა.

კახიშვილის ვარაუდით, აღნიშნული საქმე სასამართლოში არსებით განხილვამდე არ მივა, რადგან პროკურატურას ჩუბინიძისთვის ყველა ფაქტორის დამტკიცება მოუწევს, რაც ძალიან რთული საქმეა.

,,დიტო ჩუბინიძის საკითხი ძალიან მნიშვნელოვანი საკითხია. ადრე საბოტაჟის მუხლი ასე ადვილად არ გამოიყენებოდა პროკურატურის მიერ. ახლა რაღაც ახალ სამართლებრივ მექანიზმთან გვაქვს საქმე, როდესაც საბოტაჟის მუხლით ხდება ადამიანის გასამართლება.მოგეხსენებათ, 1999 წელს სამშობლოს ღალატი მიბმული იყო სახელმწიფოს წინააღმდეგ მიმართულ დანაშაულზე. 2007 წელს გაუქმდა და სამშობლოს ღალატი ამოღებულ იქნა და 2025 წლის 1-ელ აპრილს კვლავ შევიდა პარლამენტის მიერ მიღებული რეგულაციები ძალაში. ახლა სამშობლოს ღალატი ისევ ებმება სახელმწიფოს წინააღმდეგ მიმართულ მუხლებს, მაგრამ მეორე საკითხია, რომ თავად საბოტაჟი უნდა დაამტკიცო. მაგალითად საფრანგეთისა და საქართველოს მოდელი საბოტაჟთან მიმართებაში შეიძლება ერთი შეხედვით ერთნაირი იყოს, მაგრამ საფრანგეთში საბოტაჟი რომ დაგიმტკიცონ, აუცილებლად მოქმედება უნდა იყოს შენი ანუ შენ შენი მოქმედებით, პირობითად, გააფუჭე ინტერნეტ-კავშირი, რომელმაც სახელმწიფო სახელმწიფოს რაიმე ტიპის ზიანი მოუტანა. აქ ჩვენ ვხედავთ, რომ უბრალოდ აბსტრაქციაა, რომ მან თავისი მოქმედებით შეასუსტა სახელმწიფოს ინსტიტუტი, მაგრამ რა სახელმწიფო ინსტიტუტი შეასუსტა, როგორ შეასუსტა, რით იყო გამოწვეული, სად არის მიზანმიმართული კავშირი მის ინტერვიუსა და სახელმწიფო ინსტიტუტს შორის. მე გავიგე, რომ კომისიის წევრებმა მისცეს ჩვენებები, მაგრამ ესეც დასამტკიცებელია, რომ ამ ინტერვიუს შედეგად შეეშალა ხელი კომისიას თუ უბრალოდ შეშლილი ჰქონდა და ეს ინტერვიუ მიება. მე პირადად არ მჯერა, რა განცხადებებიც არის ამ ინტერვიუში, რომ თითქოს ირაკლი კობახიძემ ჩააბარა გარეჯი, ეს უბრალოდ აბსურდია და ირაკლი კობახიძე ამას ვერანაირად ვერ იზამდა, ამის სურვილიც რომ ჰქონოდა. დარწმუნებული ვარ, რომ არც ჰქონდა ამის სურვილი, მაგრამ ვერც იზამდა, მაგრამ მეორეა, რომ ინტერვიუ სახეზე იყო და ჟურნალისტს ვერ აუკრძალავ ამ ინტერვიუს გამოქვეყნებას იმიტომ, რომ რაღაც საფრთხეს წარმოადგენს. თუ მას საბოტაჟის ბრალს უყენებ, მაშინ უნდა დაამტკიცო, კონკრეტულად მხოლოდ ინტერვიუს ფარგლებში ედავები საბოტაჟს თუ ინტერვიუს გარდა, მან კიდევ რაიმე ტიპის მოქმედება ჩაიდინა, რომელიც საბოტაჟს უკავშირდება და ამით ქვეყნის ინსტიტუციები შეასუსტა.90%-ით დარწმუნებული ვარ, რომ ეს საქმე სასამართლოში არსებით განხილვამდე არ მივა. ჩემი აზრით, აქ უბრალოდ აღკვეთის ღონისძიების სახით პატიმრობა იყო შეფარდებული, ადამიანისთვის კი პატიმრობა რთულია და, შესაბამისად, მოლოდინი იქნება საპროცესო შეთანხმებაზე იმიტომ, რომ სხვა შემთხვევაში, არსებით განხილვაზე პროკურატურას მოუწევს ამ ყველა ფაქტორის დადასტურება, სასამართლომ კი განაჩენი უნდა დაასაბუთოს. ამ ყველაფრის დადასტურება და შემდეგ განაჩენში ამის ასახვა ძალიან რთული იქნება. ჩემი ვარაუდით, პროკურატურა იმის მოლოდინში იქნება, რომ რამენაირად საპროცესო შეთანხმებით დასრულდეს ეს საქმე”, – განაცხადა კახიშვილმა.

The post კახა კახიშვილი ჟურნალისტ დიტო ჩუბინიძის დაპატიმრებაზე-საქმე სასამართლოში არსებით განხილვამდე არ მივა appeared first on Taonews.ge.

]]> ვლადიმერ ხომერიკი საქართველოს ხელისუფლებას მიმართავს და მნიშვნელოვანი ნაბიჯების გადადგმას სთხოვს https://taonews.ge/%e1%83%95%e1%83%9a%e1%83%90%e1%83%93%e1%83%98%e1%83%9b%e1%83%94%e1%83%a0-%e1%83%ae%e1%83%9d%e1%83%9b%e1%83%94%e1%83%a0%e1%83%98%e1%83%99%e1%83%98-%e1%83%a1%e1%83%90%e1%83%a5%e1%83%90%e1%83%a0%e1%83%97/ Fri, 23 Oct 2026 10:20:24 +0000 https://taonews.ge/?p=1533 პროფესორი ვლადიმერ ხომერიკი საქართველოს ხელისუფლებას კეთილგანწყობით მიმართავს და გულბაათ რცხილაძისა და დიტო ჩუბინიძის საქმეებთან დაკავშირებით სამართლებრივი პროცესების სამართლიანად წარმართვისა და დაკავებულთა უფლებების დაცვისკენ მოუწოდებს. საქართველოს ღირსების ორდენის ლაურეატი, პროფესორი ვლადიმერ ხომერიკი ხელისუფლებისადმი მიმართვაში გამოხატავს შეშფოთებას სიტყვისა და გამოხატვის თავისუფლების, ჟურნალისტური საქმიანობისა და ადამიანის კონსტიტუციური უფლებების დაცვის საკითხებთან დაკავშირებით. იგი ხელისუფლებას სთხოვს, განსაკუთრებული ყურადღება მიაქციოს პოლიტოლოგ […]

The post ვლადიმერ ხომერიკი საქართველოს ხელისუფლებას მიმართავს და მნიშვნელოვანი ნაბიჯების გადადგმას სთხოვს appeared first on Taonews.ge.

]]> პროფესორი ვლადიმერ ხომერიკი საქართველოს ხელისუფლებას კეთილგანწყობით მიმართავს და გულბაათ რცხილაძისა და დიტო ჩუბინიძის საქმეებთან დაკავშირებით სამართლებრივი პროცესების სამართლიანად წარმართვისა და დაკავებულთა უფლებების დაცვისკენ მოუწოდებს.

საქართველოს ღირსების ორდენის ლაურეატი, პროფესორი ვლადიმერ ხომერიკი ხელისუფლებისადმი მიმართვაში გამოხატავს შეშფოთებას სიტყვისა და გამოხატვის თავისუფლების, ჟურნალისტური საქმიანობისა და ადამიანის კონსტიტუციური უფლებების დაცვის საკითხებთან დაკავშირებით. იგი ხელისუფლებას სთხოვს, განსაკუთრებული ყურადღება მიაქციოს პოლიტოლოგ გულბაათ რცხილაძისა და ჟურნალისტ დიტო ჩუბინიძის საქმეებს, უზრუნველყოს ყველა ბრალდების ობიექტური და კანონიერი განხილვა და სასამართლოს საბოლოო გადაწყვეტილებამდე პატივი სცეს უდანაშაულობის პრეზუმფციასა და პირის თავისუფლების უფლებას.

პროფესორი ხომერიკი ხაზს უსვამს, რომ მისი მიმართვა ხელისუფლებისადმი კეთილგანწყობილი და კონსტრუქციული თხოვნაა, რომელიც მიზნად ისახავს საზოგადოებაში არსებული შეშფოთების შემცირებას, მართლმსაჯულებისადმი ნდობის განმტკიცებასა და საქართველოს დემოკრატიული სახელმწიფოს იმიჯის დაცვას.

,,ძვირფასო საქართველოს ხელისუფლებავ, ბოლო დროს ჩვენს ქვეყანაში განვითარდა უსიამოვნო მოვლენები, რომლებიც ხალხისთვის ძალზედ გაუგებარია, კერძოდ კონსტიტუციით დაცული ადამიანის ფუნდამენტურ უფლებებთან დაკავშირებით, როგორიცაა სიტყვისა და აზრის გამოხატვის თავისუფლება და ჟურნალისტური საქმიანობის უფლება, ამავდროულად, ისეთი მძიმე ბრალდებები, როგორიცაა ღალატი, ჯაშუშობა და ა.შ.

ადგილი აქვს გამორჩეული პროფესიონალების საქმიანი რეპუტაციის და თავისუფლების უფლების ხელყოფას, რაც მით უფრო საგანგაშოა, როდესაც საქმე ჟურნალისტსა და საზოგადო მოღვაწეს ეხება. და ეს, მაშინ როდესაც ამ ადამიანებს არ ჰქონდათ წვდომა სახელმწიფო საიდუმლოებებზე, არ მოუწოდებდნენ ხალხს დემონსტრაციებისა და გადატრიალებისკენ, შესაბამისად, მათი დაპატიმრება სრულიად გაუმართლებელია. ამ ადამიანების განზრახვა არ ყოფილა ქვეყნისთვის ზიანის მიყენება. ეს ყველაფერი განგაშსა და შეშფოთებას იწვევს, რასაც საზოგადოებაში დესტაბილიზაციის გამოწვევა და საქართველოს, როგორც ეროვნული სახელმწიფოს იმიჯის შელახვა შეუძლია. ეს უარყოფითად აისახება საქართველოს იმიჯზე საერთაშორისო საზოგადოებაში.

ნამდვილად არ მსურს იმ ხელისუფლების განსჯა, რომელმაც ერთხელ გაათავისუფლა საქართველო ნაციონალური ტირანიისგან, მაგრამ, მე გთხოვთ, გაუმკლავდეთ მათ, ვინც ძირს უთხრის საქართველოს იმიჯს, აღაშფოთებს მის მოსახლეობას ამ გაუმართლებელი დაპატიმრებებით, კანონის კონსტიტუციური მუხლების,  ადამიანის უფლებებისა და ჟურნალისტური საქმიანობის უფლების დარღვევით. ვგულისხმობ ორ პირს – პოლიტოლოგს, საზოგადო მოღვაწეს – გულბაათ რცხილაძეს და ცნობილ ჟურნალისტს – დიტო ჩუბინიძეს. ვფიქრობ, მათ მიმართ წარდგენილი უსაფუძვლო ბრალდებები მძიმედ აშფოთებს ქართულ საზოგადოებას.

გთხოვთ, გაითვალისწინოთ აღნიშნული რეალობა და გაუწიოთ მონიტორინგი კანონის უზენაესობის დაცვას. 

იმედი მაქვს, ჩემი მიმართვით არ დარღვეულა საქართველოს საკანონმდებლო სუვერენიტეტი და არ შეურაცხყოფილა საქართველოს ხელისუფლება, რომელსაც პატივს ვცემ.

პატივისცემით, საქართველოს ღირსების ორდენის ლაურეატი, პროფესორი ვლადიმერ ხომერიკი.

The post ვლადიმერ ხომერიკი საქართველოს ხელისუფლებას მიმართავს და მნიშვნელოვანი ნაბიჯების გადადგმას სთხოვს appeared first on Taonews.ge.

]]> დიტო ჩუბინიძის საქმე გადაგიყოლებთ-ნიკოლოზ მჟავანაძე https://taonews.ge/%e1%83%93%e1%83%98%e1%83%a2%e1%83%9d-%e1%83%a9%e1%83%a3%e1%83%91%e1%83%98%e1%83%9c%e1%83%98%e1%83%ab%e1%83%98%e1%83%a1-%e1%83%a1%e1%83%90%e1%83%a5%e1%83%9b%e1%83%94-%e1%83%92%e1%83%90%e1%83%93/ Thu, 22 Oct 2026 22:42:43 +0000 https://taonews.ge/?p=1525 “ვულოცავ აზერბაიჯანის ხელისუფლებას და პირადად ილჰამ ალიევს იმ დიდ საჩუქარს, რომელიც გაკეთებული იქნა დღეს ჩვენი ხელისუფლების მხრიდან… დიტო ჩუბინიძის საქმე გადაგიყოლებთ თქვენ… ვისი მხარდაჭერის იმედი გაქვთ? ვისი ხელისუფლება ხართ თქვენ, თუ სამშობლოს ერთგულ ჯარისკაცებს სამშობლოს ღალატის იარლიყი მიაკერეთ? ასავალ-დასავალი“ სააკაშვილის რეჟიმს ებრძოდა, მაგრამ მისი არცერთი ჟურნალისტი ყოფილა დაპატიმრებული და თქვენ ადექით და ეს კაცი დაიჭირეთ… […]

The post დიტო ჩუბინიძის საქმე გადაგიყოლებთ-ნიკოლოზ მჟავანაძე appeared first on Taonews.ge.

]]> “ვულოცავ აზერბაიჯანის ხელისუფლებას და პირადად ილჰამ ალიევს იმ დიდ საჩუქარს, რომელიც გაკეთებული იქნა დღეს ჩვენი ხელისუფლების მხრიდან… დიტო ჩუბინიძის საქმე გადაგიყოლებთ თქვენ… ვისი მხარდაჭერის იმედი გაქვთ? ვისი ხელისუფლება ხართ თქვენ, თუ სამშობლოს ერთგულ ჯარისკაცებს სამშობლოს ღალატის იარლიყი მიაკერეთ?
ასავალ-დასავალი“ სააკაშვილის რეჟიმს ებრძოდა, მაგრამ მისი არცერთი ჟურნალისტი ყოფილა დაპატიმრებული და თქვენ ადექით და ეს კაცი დაიჭირეთ… ვიღაცამ თქვა 37 წელი დაბრუნდაო, არ ყოფილა 37 წელს ასეთი რაღაცა მეგობრებო.
ამას 37 წელსაც არ აკეთებდნენ!” – განაცხადა ნიკოლოზ მჟავანაძემ მას შემდეგ რაც პროკურატურამ სამშობლოს ღალატის, კერძოდ საბოტაჟის ბრალდებით „ასავალ-დასავალის“ ჟურნალისტი, დიტო ჩუბინიძე დააკავა.
 პროკატურის განმარტებით, „2026 წლის თებერვლიდან დიტო ჩუბინიძე „სხვადასხვა მედიასაშუალებების და სოციალური პლატფორმების გამოყენებით, სისტემატურად ავრცელებს ცრუ და დეზინფორმაციულ ცნობებს და გამოგონილ ფაქტებზე დაყრდნობით ამტკიცებს, რომ საქართველოს პრემიერ-მინისტრმა მეზობელ სახელმწიფოსთან გაფორმებული საიდუმლო ხელშეკრულებით, აზერბაიჯანის რესპუბლიკას გადასცა დავით გარეჯის სამონასტრო კომპლექსის ნაწილი“.

The post დიტო ჩუბინიძის საქმე გადაგიყოლებთ-ნიკოლოზ მჟავანაძე appeared first on Taonews.ge.

]]> გაათავისუფლეთ გულბაათ რცხილაძე! https://taonews.ge/%e1%83%92%e1%83%90%e1%83%90%e1%83%9c%e1%83%97%e1%83%90%e1%83%95%e1%83%98%e1%83%a1%e1%83%a3%e1%83%a4%e1%83%9a%e1%83%94%e1%83%97-%e1%83%92%e1%83%a3%e1%83%9a%e1%83%91%e1%83%90%e1%83%90%e1%83%97-%e1%83%a0/ Mon, 19 Oct 2026 23:02:54 +0000 https://taonews.ge/?p=1473 თანამედროვე ქართულ რეალობაში, სადაც სახელმწიფოებრივი სუვერენიტეტი და პატრიოტიზმი ხშირად პოლიტიკური სპეკულაციების საგანი ხდება, განსაკუთრებულ შეშფოთებას იწვევს სამართლის ინსტრუმენტალიზაცია. მე „უფლებადამცველთა გაერთიანების“ და საინფორმაციო სააგენტო ,,ტაონიუსის’’ დირექტორი ნიკოლოზ მჟავანაძე, მივიჩნევ, რომ პოლიტოლოგისა და საზოგადო მოღვაწის, გულბაათ რცხილაძის დაკავება უსაფუძვლო „ჯაშუშობის“ ბრალდებით, სცდება სამართლებრივ ჩარჩოებს და წარმოადგენს კლასიკურ უკანონო პატიმრობას. ეს ნაბიჯი პირდაპირ აზიანებს ქვეყნის ეროვნულ ინტერესებსა […]

The post გაათავისუფლეთ გულბაათ რცხილაძე! appeared first on Taonews.ge.

]]> თანამედროვე ქართულ რეალობაში, სადაც სახელმწიფოებრივი სუვერენიტეტი და პატრიოტიზმი ხშირად პოლიტიკური სპეკულაციების საგანი ხდება, განსაკუთრებულ შეშფოთებას იწვევს სამართლის ინსტრუმენტალიზაცია. მე „უფლებადამცველთა გაერთიანების“ და საინფორმაციო სააგენტო ,,ტაონიუსის’’ დირექტორი ნიკოლოზ მჟავანაძე, მივიჩნევ, რომ პოლიტოლოგისა და საზოგადო მოღვაწის, გულბაათ რცხილაძის დაკავება უსაფუძვლო „ჯაშუშობის“ ბრალდებით, სცდება სამართლებრივ ჩარჩოებს და წარმოადგენს კლასიკურ უკანონო პატიმრობას. ეს ნაბიჯი პირდაპირ აზიანებს ქვეყნის ეროვნულ ინტერესებსა და სიტყვის თავისუფლებას.

სამართლებრივი სახელმწიფოს ფუნდამენტური პრინციპია, რომ ნებისმიერი დევნა უნდა ეფუძნებოდეს უტყუარ მტკიცებულებებს და არა პოლიტიკურ კონიუნქტურას. გულბაათ რცხილაძის  საქმე მოკლებულია მყარ იურიდიულ არგუმენტაციას და ატარებს დეკლარაციულ ხასიათს. მაშინ, როდესაც ქვეყანას რეალური ეროვნული საფრთხეები ემუქრება, სამეცნიერო და ანალიტიკური წრეების წარმომადგენლის იზოლაცია მიუღებელი პრეცედენტია.

გულბაათ რცხილაძის მრავალწლიანი მოღვაწეობა ყოველთვის ხორციელდებოდა საჯაროდ, გამჭვირვალედ და ორიენტირებული იყო საქართველოს ინტერესების სამეცნიერო დონეზე დაცვაზე:

  1. მისი უშუალო ორგანიზებითა და ხელმძღვანელობით განხორციელდა არაერთი სამეცნიერო-მემორიალური პროექტი. იგი აქტიურად ხელმძღვანელობდა მეორე მსოფლიო ომში დაღუპული ქართველი გმირების საფლავებისა და ნეშტების მოძიებას, რათა მომხდარიყო მათი ხსოვნის უკვდავყოფა.
  2. მისი თაოსნობით აღდგა და რეაბილიტაცია ჩაუტარდა ფაშიზმზე გამარჯვების მონუმენტებსა და ისტორიულ ძეგლებს საქართველოში, რაც ქართველი ერის ფასდაუდებელი წვლილის დემონსტრირება იყო საერთაშორისო ასპარეზზე.
  3.  როგორც „ევრაზიის ინსტიტუტის“ ხელმძღვანელი, მან შექმნა აკადემიური პლატფორმები, სადაც იბეჭდებოდა მეცნიერული ერთ უმნიშვნელოვანეს მიმართულებას რუსეთ-საქართველოს შორის დიპლომატიური კრიზისის პირობებში აკადემიური და საზოგადოებრივი ხიდების შენარჩუნება წარმოადგენდა. მან უდიდესი წვლილი შეიტანა იმაში, რომ ორ ქვეყანას შორის არსებული პოლიტიკური უთანხმოებების მიუხედავად, კულტურული და სამეცნიერო დიალოგი არ შეწყვეტილიყო, რაც პირდაპირ ემსახურებოდა რეგიონში მშვიდობისა და სტაბილურობის იდეას.

აღსანიშნავია, რომ მის ამ ფართომასშტაბიან საზოგადოებრივ და ჰუმანიტარულ მოღვაწეობას საერთაშორისო აღიარებაც მოჰყვა. დაპატიმრებამდე პერიოდში, რუსეთის ფედერაციის პრეზიდენტ ვლადიმერ პუტინის განკარგულებით, გულბაათ რცხილაძე დაჯილდოვდა მედლით.

უფრო მეტიც, ჩვენი ერთობლივი სამშვიდობო და ანალიტიკური ძალისხმევა საერთაშორისო დონეზე სხვა ქვეყნების მიერაც იქნა შემჩნეული — ბელარუსის რესპუბლიკამ მე და გულბაათ რცხილაძე სახელმწიფო საიუბილეო მედლებით დაგვაჯილდოვა. ეს აღიარება კიდევ ერთხელ ადასტურებს, რომ ჩვენი საქმიანობა ატარებდა აბსოლუტურად ღია, ლეგიტიმურ და მშვიდობისმყოფელურ ხასიათს, რაც გამორიცხავს ყოველგვარ კულუარულ თუ „ფარულ“ კანონსაწინააღმდეგო აქტივობას.

მისი დაპატიმრებით რუსეთ-საქართველოს ურთიერთობების ანალიტიკურ და პრაქტიკულ სივრცეში უდიდესი, სახიფათო ვაკუუმი გაჩნდა. პარალიზებულია ის საინფორმაციო და სამეცნიერო პლატფორმები, რომლებიც კრიზისების დროს კომუნიკაციის ალტერნატიულ არხებს წარმოადგენდნენ.

როგორც ადამიანი, რომელიც წლებია, აქტიურად ვარ ჩართული ამ პროცესებში, უმძიმესი ფაქტის წინაშე დავდექი — მე და ჩვენს საერთო საქმეს გამომაკლდა უაღრესად მაღალი კომპეტენციის მქონე კოლეგა და თანამებრძოლი, რომელიც ჩემთან ერთად დაუღალავად მუშაობდა. ამ ინტელექტუალური რესურსის ხელოვნურად გამოკლება და დარგში ვაკუუმის შექმნა აზიანებს არა მხოლოდ კონკრეტულ ორგანიზაციებს, არამედ მთლიანად აფერხებს იმ პოზიტიურ დინამიკას, რომელიც რეგიონში მშვიდობისა და სტაბილურობის შენარჩუნებას სჭირდება.

ამ აბსურდულ დაპატიმრებასთან დაკავშირებით, მე რუსეთის საგარეო საქმეთა სამინისტროს ეგიდით გამართულ ბრიფინგზე დავსვი  კითხვა, რასაც მოჰყვა რუსეთის საგარეო საქმეთა სამინისტროს პრეს სპიკერ, მარია ზახაროვას პასუხი და დეტალური შეფასება:

„მან (გულბაათ რცხილაძე) ნამდვილად ბევრი გააკეთა ჩვენი ერების დაახლოებისთვის, ჩვენს საერთო წარსულს სწავლობდა – მემორიალური სამუშაოები, მათ შორის მეორე მსოფლიო ომის დროს გარდაცვლილების ძიება, მონუმენტების აღდგენა. ისტორიულ სიმართლეს იცავდა, მათ შორის ფაშიზმზე გამარჯვებაში ქართველი ერის დიდი და ფასდაუდებელი წვლილის. ყველა კონტაქტს ღიად, ოფიციალურად ახორციელებდა. არ შეიძლება მისი ბედი არ გვაღელვებდეს… იმედი გვაქვს, საქართველოს ხელისუფლება მოახერხებს საკითხში გარკვევას“.

ეს განცხადება ნათლად აჩვენებს, რომ გულბაათ რცხილაძის მიმართ წაყენებული ბრალდება მოკლებულია ლოგიკურ საფუძველს. ადამიანი, რომელიც ღიად, საჯარო სამეცნიერო კონფერენციებზე, პრესასა და საერთაშორისო ფორუმებზე იცავდა თავის პოზიციებს, არ შეიძლება მიჩნეულ იქნას „ფარულ აგენტად“.

დემოკრატია არ გამოიხატება განსხვავებული აზრის დევნაში, არამედ სამართლიანობისა და სიტყვის თავისუფლების დაცვაში. აკადემიური წრეების წარმომადგენლის დევნა ანგრევს ქვეყნის დემოკრატიულ იმიჯს.

მოვუწოდებ საქართველოს ხელისუფლებას დაუყოვნებლივ გაანთავისუფლეთ გულბაათ რცხილაძე, დიახ ხელისუფლებას მოვუწოდებ და არა სასამართლოს რადგან კარგად ვიცი რა დიდი წნეხის ქვეშაა სასამართლო ხელისუფლებისგან როცა ის პოლიტიკურ საქმეეებს ც იხილავს. აღვადგინოთ სამართლიანობა და შეწყდეს ეს უსაფუძვლო პოლიტიკური დევნა. სამართალმა და სიმართლემ უნდა იზეიმოს!

ნიკოლოზ მჟავანაძე

The post გაათავისუფლეთ გულბაათ რცხილაძე! appeared first on Taonews.ge.

]]> ანდრია ბართიშვილი ლონდონში მიემგზავრება https://taonews.ge/%e1%83%90%e1%83%9c%e1%83%93%e1%83%a0%e1%83%98%e1%83%90-%e1%83%91%e1%83%90%e1%83%a0%e1%83%97%e1%83%98%e1%83%a8%e1%83%95%e1%83%98%e1%83%9a%e1%83%98-%e1%83%9a%e1%83%9d%e1%83%9c%e1%83%93%e1%83%9d%e1%83%9c/ Wed, 02 Sep 2026 07:24:48 +0000 https://taonews.ge/?p=1373 ამ წუთებში 17 წლის ტალანტი ანდრია ბართიშვილი ლონდონში მიემგზავრება – ლონდონის ,,არსენალში” სამედიცინო შემოწმებისთვის. თბილისის ,,იბერიას” მარცხენა ფნლანგის თავდასხმელი ინგლისის ჩემპიონთან 5 წლიანი კონტრაქტს გააფორმებს.

The post ანდრია ბართიშვილი ლონდონში მიემგზავრება appeared first on Taonews.ge.

]]> ამ წუთებში 17 წლის ტალანტი ანდრია ბართიშვილი ლონდონში მიემგზავრება – ლონდონის ,,არსენალში” სამედიცინო შემოწმებისთვის. თბილისის ,,იბერიას” მარცხენა ფნლანგის თავდასხმელი ინგლისის ჩემპიონთან 5 წლიანი კონტრაქტს გააფორმებს.

The post ანდრია ბართიშვილი ლონდონში მიემგზავრება appeared first on Taonews.ge.

]]> ბელარუსის საგამოძიებო ორგანოების ფორმირების ისტორიული მემკვიდრეობა და ტრადიციები (ვიდეო) https://taonews.ge/%e1%83%91%e1%83%94%e1%83%9a%e1%83%90%e1%83%a0%e1%83%a3%e1%83%a1%e1%83%98%e1%83%a1-%e1%83%a1%e1%83%90%e1%83%92%e1%83%90%e1%83%9b%e1%83%9d%e1%83%ab%e1%83%98%e1%83%94%e1%83%91%e1%83%9d-%e1%83%9d%e1%83%a0/ Fri, 28 Aug 2026 21:49:22 +0000 https://taonews.ge/?p=1370  ბორისოვი მასშტაბური პატრიოტული და ისტორიული მარათონის ერთ-ერთი საკვანძო წერტილი გახდა. მოძრავმა ექსპოზიციამ, რომელიც გროდნოს ოლქის საგამოძიებო კომიტეტის სამმართველოს ხელმძღვანელობის ინიციატივით შეიქმნა, ამ წლის ივნისიდან მოყოლებული უკვე მოასწრო ქვეყნის ხუთი რეგიონის მცხოვრებთა გულების დაპყრობა. ახლა ბელარუსის გამოძიების საუკუნოვან ისტორიასთან შეხება ბორისოველებმაც შეძლეს. ჩვენს ქალაქში გამოფენის საზეიმო გახსნამ უამრავი საპატიო სტუმარი, უწყების თანამშრომელი და ახალგაზრდა შეკრიბა. მომავალი […]

The post ბელარუსის საგამოძიებო ორგანოების ფორმირების ისტორიული მემკვიდრეობა და ტრადიციები (ვიდეო) appeared first on Taonews.ge.

]]>  ბორისოვი მასშტაბური პატრიოტული და ისტორიული მარათონის ერთ-ერთი საკვანძო წერტილი გახდა. მოძრავმა ექსპოზიციამ, რომელიც გროდნოს ოლქის საგამოძიებო კომიტეტის სამმართველოს ხელმძღვანელობის ინიციატივით შეიქმნა, ამ წლის ივნისიდან მოყოლებული უკვე მოასწრო ქვეყნის ხუთი რეგიონის მცხოვრებთა გულების დაპყრობა. ახლა ბელარუსის გამოძიების საუკუნოვან ისტორიასთან შეხება ბორისოველებმაც შეძლეს. ჩვენს ქალაქში გამოფენის საზეიმო გახსნამ უამრავი საპატიო სტუმარი, უწყების თანამშრომელი და ახალგაზრდა შეკრიბა. მომავალი იურისტებისთვის ეს შეხვედრა შესანიშნავი შესაძლებლობა გახდა იმ პროფესიის კულისებში ჩასახედად, რომელსაც მათ თავიანთი ცხოვრების მიძღვნა სურთ. ექსპოზიცია პირველივე წუთებიდან სიტყვასიტყვით აჯადოებს მნახველს.
  გროდნოს ოლქის საგამოძიებო კომიტეტის სამმართველოს კადრებისა და იდეოლოგიური მუშაობის წამყვანი სპეციალისტის, სვეტლანა ომელჩენკოს თქმით, კონცეფციის საფუძველს წარმოადგენს ღრმა ექსკურსი წარსულში — XVI საუკუნიდან დაწყებული. ძველი დოკუმენტებისა და ისტორიული ქრონიკების დათვალიერებისას აშკარად ხვდები, თუ რა კოლოსალური გზა გაიარა ბელარუსის საგამოძიებო სტრუქტურამ თავის განვითარებაში.
  თუმცა, ყველა დამთვალიერებლისთვის, მათ შორის ჩემთვისაც, ნამდვილ მაგნიტად იქცა 1990-იანი წლების გამომძიებლის აღდგენილი კაბინეტი. გამოფენის ეს ზონა განსაკუთრებულ მღელვარებასა და მსუბუქ ნოსტალგიას იწვევს. ორგანიზატორებმა გასაოცარი სიზუსტით მოახერხეს ოცდაათი წლის წინანდელი სამუშაო ატმოსფეროს გადმოცემა. აქ შეგიძლიათ ცოცხლად იხილოთ ხელმძღვანელის მასიური ტელეფონის აპარატი, ლეგენდარული საბეჭდი მანქანები, რომლებზეც ოდესღაც სისხლის სამართლის საქმეების ტომები იბეჭდებოდა, ფირის ფოტოაპარატები და მოცულობითი კინოპროექტორები.

  განსაკუთრებულ ყურადღებას იქცევს იმ წლების გამომძიებლის კრიმინალისტიკური ჩემოდანი. მისი შიგთავსისა და ძველი მეთოდური მასალების დათვალიერებისას, რომლებიც ოდესღაც თანამშრომელთა სამაგიდო წიგნები იყო, უნებლიეთ გაოცდები გასული ეპოქის პროფესიონალთა ოსტატობითა და საქმისადმი ერთგულებით. ციფრული ტექნოლოგიებისა და კომპიუტერული ანალიზის ეპოქაში ეს ნივთები სხვა სამყაროს არტეფაქტებად გვეჩვენება, თუმცა სწორედ მათ შექმნეს თანამედროვე გამოძიების საფუძველი. ბორისოვი ამ მომხიბვლელი მარათონის წინაბოლო გაჩერება გახდა. უკვე 3 სექტემბერს უნიკალური ექსპოზიცია მუშაობას მინსკში დაიწყებს, ხოლო მასშტაბური ტურნეს ფინალური წერტილი 12 სექტემბერი იქნება — მნიშვნელოვანი დღე, როდესაც საგამოძიებო კომიტეტი თავის მე-15 წლისთავს აღნიშნავს. ასეთი გამოფენის მონახულება ბელარუსის სამართალდამცავი სისტემისადმი სიამაყის გრძნობას ტოვებს და საშუალებას გვაძლევს ახლებურად შევხედოთ ადამიანებს, რომლებიც ყოველდღიურად დგანან კანონისა და სამართლიანობის სადარაჯოზე.
ნიკოლოზ მჟავანაძე

The post ბელარუსის საგამოძიებო ორგანოების ფორმირების ისტორიული მემკვიდრეობა და ტრადიციები (ვიდეო) appeared first on Taonews.ge.

]]> ჩვენ ბელარუსის გზით უნდა წავიდეთ – ნიკოლოზ მჟავანაძე (ვიდეო). https://taonews.ge/%e1%83%a9%e1%83%95%e1%83%94%e1%83%9c-%e1%83%91%e1%83%94%e1%83%9a%e1%83%90%e1%83%a0%e1%83%a3%e1%83%a1%e1%83%98%e1%83%a1-%e1%83%92%e1%83%96%e1%83%98%e1%83%97-%e1%83%a3%e1%83%9c%e1%83%93%e1%83%90/ Thu, 27 Aug 2026 22:18:20 +0000 https://taonews.ge/?p=1359 ,,უფლებადამცველთა გაერთიანების” თავმჯდომარემ, ნიკოლოზ მჟავანაძემ „აქტუალურ ინტერვიუში“ ქვეყანაში არსებული მიმდინარე სიტუაცია შეაფასა და აღნიშნა დასავლეთის გავლენა სახელმწიფო გადატრიალების მცდელობებზე, ასევე რუსეთთან ურთიერთობებში ბელარუსის გზის გაყოლის აუცილებლობა. „30 წლის განმავლობაში დასავლეთმა ქართულ საზოგადოებაში, განსაკუთრებით კი ახალგაზრდობაში, ისეთი ინექცია შეიყვანა, რის გამოც არჩევნების წინ ყოველ ჯერზე გვაქვს სახელმწიფო გადატრიალების რაღაც მცდელობები, აანონსებენ ახალ მაიდანს. თუმცა ეს არ […]

The post ჩვენ ბელარუსის გზით უნდა წავიდეთ – ნიკოლოზ მჟავანაძე (ვიდეო). appeared first on Taonews.ge.

]]> ,,უფლებადამცველთა გაერთიანების” თავმჯდომარემ, ნიკოლოზ მჟავანაძემ „აქტუალურ ინტერვიუში“ ქვეყანაში არსებული მიმდინარე სიტუაცია შეაფასა და აღნიშნა დასავლეთის გავლენა სახელმწიფო გადატრიალების მცდელობებზე, ასევე რუსეთთან ურთიერთობებში ბელარუსის გზის გაყოლის აუცილებლობა. „30 წლის განმავლობაში დასავლეთმა ქართულ საზოგადოებაში, განსაკუთრებით კი ახალგაზრდობაში, ისეთი ინექცია შეიყვანა, რის გამოც არჩევნების წინ ყოველ ჯერზე გვაქვს სახელმწიფო გადატრიალების რაღაც მცდელობები, აანონსებენ ახალ მაიდანს. თუმცა ეს არ გამოსდით, რადგან ჩვენი ხალხი მათ მხარს არ უჭერს. სიტუაცია იწმინდება. იწმინდებიან ეს რენეგატები და დასავლეთის აგენტურა“, — განაცხადა  ,,უფლებადამცველთა გაერთიანების” თავმჯდომარემ.  მან მაღალი შეფასება მისცა საქართველოს ხელისუფლების როლს ქაოსის თავიდან აცილებაში და აღფრთოვანება გამოხატა ბელარუსის პრეზიდენტის, ალექსანდრ ლუკაშენკოს ქმედებებით: „საქართველოს პრემიერ-მინისტრმა ბევრჯერ თქვა, რომ ჩვენ არასდროს მივცემთ ამ ადამიანებს უფლებას გაიმეორონ ის, რაც გვქონდა 2003 წელს, 1990-იან წლებში. მე ძალიან აღფრთოვანებული ვარ თქვენი პრეზიდენტით, ალექსანდრ გრიგორის ძით, რადგან თქვენთანაც იყო გადატრიალების მცდელობები.

თვალებიდან არ მიდის ეს სურათი: როდესაც მან იარაღი აიღო, ვერტმფრენიდან ჩამოვიდა, გვერდით შვილი ჰყავდა და ამ ნაძირლებს ხელისუფლებაში მოსვლის საშუალება არ მისცა.

ნიკოლოზ მჟავანაძე: ახლა ჩვენი სახელმწიფო, ჩვენი ქვეყნის ხელმძღვანელები ალექსანდრე გრიგორის ძის (ლუკაშენკოს) ნაბიჯებს მიჰყვებიან. როგორც ალექსანდრე გრიგორის ძემ არ დაუშვა, რომ ეს არაადამიანები, ხალხის მტრები მოსულიყვნენ ხელისუფლებაში, ისე ახლა ჩვენი სახელმწიფო და ხელისუფლებაში მყოფი ადამიანები არ დაუშვებენ, რომ აქ იყოს ქაოსი და გადატრიალება. მან ყურადღება გაამახვილა იმაზე, რომ ხალხს აღარ სჯერა ბრმად დასავლური პროპაგანდის: ახლა ხალხი ფეხზე წამოდგა, გაიგო სიმართლე. შეიძლება არსებობს რაღაც კრიტიკული გამონათქვამები ხელისუფლების წინააღმდეგ, არის გარკვეული უკმაყოფილება. მაგრამ ეს არ ნიშნავს, რომ ჩვენ დავღუპეთ ჩვენი ხალხი და ქვეყანა. საქართველო არასოდეს დაუშვებს იმას, რაც უკრაინას დაემართა.

ნიკოლოზ მჟავანაძემ მოუწოდა რუსეთთან ურთიერთობების მოწესრიგებისკენ ბელარუსული მოდელით: მე ხშირად ვამბობ, რომ საჭიროა რუსეთთან ურთიერთობების მოწესრიგება, ჩვენ ბელარუსის გზით უნდა წავიდეთ. ბელარუსი ახლა იმიტომ ყვავის და ბელარუსში ეკონომიკა იმიტომ არის მაღალ დონეზე, რომ მას ძალიან კარგი ურთიერთობა აქვს რუსეთთან. აი, ახლა ათასობით ქარხანა რომ ავაშენოთ, ისინი ხვალვე დაიხურება, თუ რუსეთთან ურთიერთობა არ იქნება.   ალექსანდრე გრიგორის ძე ფაქტობრივად ძალიან პოპულარული ფიგურაა საქართველოში, რადგან ის არის ადამიანი, რომელმაც თავისი ხალხი დასაგლეჯად არ გაიმეტა. ფაქტობრივად, ყოფილი საბჭოთა კავშირის ყველა რესპუბლიკამ უზარმაზარი ზიანი განიცადა ამ რევოლუციებისგან. ერთადერთი ქვეყანა, რომელმაც არ დაანგრია თავისი ეკონომიკა, არ დაანგრია თავისი ქვეყანა, ეს არის ბელარუსი, – ხაზგასმით აღნიშნა მან.

The post ჩვენ ბელარუსის გზით უნდა წავიდეთ – ნიკოლოზ მჟავანაძე (ვიდეო). appeared first on Taonews.ge.

]]> ქვეყანა, სადაც წარსულის დიდება მომავლის საძირკვლად აქციეს (ვიდეო) https://taonews.ge/%e1%83%a5%e1%83%95%e1%83%94%e1%83%a7%e1%83%90%e1%83%9c%e1%83%90-%e1%83%a1%e1%83%90%e1%83%93%e1%83%90%e1%83%aa-%e1%83%ac%e1%83%90%e1%83%a0%e1%83%a1%e1%83%a3%e1%83%9a%e1%83%98%e1%83%a1-%e1%83%93/ Thu, 27 Aug 2026 15:11:33 +0000 https://taonews.ge/?p=1354  ჯერ კიდევ ორი წლის წინ, სანამ ბელარუსის მიწაზე პირველად დავადგამდი ფეხს, ჩემს გადაცემებში ხშირად ვსაუბრობდი ამ ქვეყნის ფენომენზე. თუმცა, ნანახმა ყოველგვარ მოლოდინს გადააჭარბა. პირველივე დღიდან გულში ჩამივარდა ეს საოცარი მხარე, სადაც ყოველ ნაბიჯზე იგრძნობა უდიდესი სიყვარული საკუთარი მიწისა და ხალხის მიმართ. ჩემი პირველი ვიზიტი ორი წლის წინ შედგა, მაგრამ ეს ემოცია დღემდე ცოცხლობს ჩემში — […]

The post ქვეყანა, სადაც წარსულის დიდება მომავლის საძირკვლად აქციეს (ვიდეო) appeared first on Taonews.ge.

]]>
 ჯერ კიდევ ორი წლის წინ, სანამ ბელარუსის მიწაზე პირველად დავადგამდი ფეხს, ჩემს გადაცემებში ხშირად ვსაუბრობდი ამ ქვეყნის ფენომენზე. თუმცა, ნანახმა ყოველგვარ მოლოდინს გადააჭარბა. პირველივე დღიდან გულში ჩამივარდა ეს საოცარი მხარე, სადაც ყოველ ნაბიჯზე იგრძნობა უდიდესი სიყვარული საკუთარი მიწისა და ხალხის მიმართ. ჩემი პირველი ვიზიტი ორი წლის წინ შედგა, მაგრამ ეს ემოცია დღემდე ცოცხლობს ჩემში — ეს არის აღფრთოვანება ქვეყნით, რომელმაც გლობალური ქაოსის ეპოქაში შეძლო საკუთარი სახის, სიამაყისა და ძლიერების შენარჩუნება.
  ჩემი მოგზაურობის ერთ-ერთი ყველაზე მძლავრი შთაბეჭდილება ქალაქ ჟოდინოსა და ლეგენდარულ ქარხანა „ბელაზს“ (БЕЛАЗ) უკავშირდება. როდესაც ამ ინდუსტრიული გიგანტის წინაშე დგახარ, სუნთქვა გეკვრის. მსოფლიო ეკონომიკური კრიზისები აზვირთებულ ტალღებად აწყდება ბელარუსის საზღვრებს, მაგრამ აქ, ჟოდინოში, ქარხნის გული კვლავ მძლავრად ფეთქავს. თვალებში შევყურებდი აქ მომუშავე ადამიანებს და ვხედავდი ხვალინდელი დღის რწმენას — სახელმწიფომ შეძლო და შეუნარჩუნა ათასობით ოჯახს სამუშაო ადგილი და სტაბილურობა.
ამ მასშტაბის ხილვისას უნებურად გახსენდება საბჭოთა ეპოქის გენიალური ფორმულა: „კადრები წყვეტენ ყველაფერს“. ბელარუსის დღევანდელი ლიდერი, ალექსანდრე ლუკაშენკო, ჩემს თვალში გვევლინება იმ დიდი წინამორბედების საქმის ნამდვილ და ღირსეულ გამგრძელებლად, როგორიც პეტრე მაშეროვი იყო. ეს არის მმართველობის ის ძლიერი ხელწერა, რომელიც არ უშვებს ნგრევას და ქვეყნის სიმდიდრეს ქარს არ ატანს.
  ბელარუსში ყოფნისას ხშირად ვფიქრობდი ჩვენს საერთო წარსულზე. ძველი თაობისგან ხომ არაერთხელ გვსმენია მაშეროვისა და ვასილ მჟავანაძის მეგობრობის შესახებ — ეპოქაზე, როცა საქართველოსა და ბელარუსს შორის ძმობა ყვაოდა. თუმცა, ჩემს გულში აღფრთოვანებასთან ერთად სევდაც გაკრთა, როდესაც ორი ქვეყნის განვითარების გზები შევადარე.
 ჩვენს სამშობლოში, ედუარდ შევარდნაძის მმართველობის პერიოდში, დასავლურმა გავლენებმა და მათმა „დახმარებებმა“ დამანგრეველი როლი ითამაშა. საქართველომ დაკარგა თავისი ინდუსტრიული პოტენციალი. დღეს გული მტკივა, როდესაც ვხედავ, რომ თბილისში, ყოფილი მძლავრი ქარხნების ადგილას, უსულო საცხოვრებელი კორპუსები შენდება. ბელარუსმა კი უარი თქვა დასავლეთის საეჭვო კრედიტებზე, შეინარჩუნა სუვერენიტეტი და დღეს იქ, ძველის ნგრევის ნაცვლად, ახალ-ახალი, თანამედროვე საწარმოები იხსნება.
მჯერა, რომ საქართველოს თავისი საოცარი ბუნებით, რესურსებითა და ნიჭიერი ხალხით, ალექსანდრე ლუკაშენკოს მსგავსი მტკიცე, ეროვნული ლიდერი რომ ჰყოლოდა, ჩვენი ქვეყანა დღეს მსოფლიოს „მეცხრე საოცრებად“ იქცეოდა.
  ბელარუსის კიდევ ერთი საოცრება მისი სოფლის მეურნეობაა, რომელიც პრეზიდენტის პირადი, მკაცრი კონტროლის ქვეშაა. აქ პროდუქტის ხარისხი კანონია. ბელარუსული ნაწარმი დიდი ხანია იქცა სისუფთავისა და ნამდვილი, ნოსტალგიური გემოს ეტალონად როგორც რუსეთში, ისე ჩვენთან.
სამშობლოში დაბრუნებულს, ეს თბილი მოგონებები ყოველ ჯერზე მიცოცხლდება, როდესაც თბილისის ქუჩებში მაღაზია „ბელარუსულ პროდუქტებს“ ვხედავ. ამ მაღაზიებთან ყოველთვის ხალხმრავლობაა. ეს რიგები და ქართველების სიყვარული ბელარუსული პროდუქციის მიმართ არის საუკეთესო, ცოცხალი დასტური იმისა, რომ ხარისხი და პატიოსანი შრომა საზღვრებს შლის. ბელარუსი ჩემთვის დარჩა ქვეყნად, რომელსაც შეუძლებელია არ სცე პატივი და არ შეგიყვარდეს მთელი გულით.
 ნიკოლოზ მჟავანაძე

The post ქვეყანა, სადაც წარსულის დიდება მომავლის საძირკვლად აქციეს (ვიდეო) appeared first on Taonews.ge.

]]> ბელარუსის სამრეწველო პოტენციალი და კულტურული კოდი – რეპორტაჟი ეროვნული გიგანტების გამოფენიდან (ვიდეო) https://taonews.ge/%e1%83%91%e1%83%94%e1%83%9a%e1%83%90%e1%83%a0%e1%83%a3%e1%83%a1%e1%83%98%e1%83%a1-%e1%83%a1%e1%83%90%e1%83%9b%e1%83%a0%e1%83%94%e1%83%ac%e1%83%95%e1%83%94%e1%83%9a%e1%83%9d-%e1%83%9e%e1%83%9d-2/ Thu, 27 Aug 2026 14:57:02 +0000 https://taonews.ge/?p=1349 საგამოფენო სივრცეები, რომლებიც ბელარუსის რესპუბლიკის წამყვანი საწარმოების მიღწევებს წარმოაჩენს, ტრადიციულად საერთაშორისო საექსპერტო საზოგადოების მიზიდულობის ცენტრად იქცევა. აღნიშნულმა ექსპოზიციამ უნიკალური შესაძლებლობა შექმნა არა მხოლოდ ბელარუსული გიგანტების ტექნოლოგიური სუვერენიტეტისა და ინდუსტრიული სიძლიერის, არამედ ქვეყნის ღრმა სოციალური ინტეგრაციისა და კულტურული იდენტობის კომპლექსურად შესაფასებლად. ექსპოზიციის ცენტრალურ ელემენტად, უდავოდ, იქცა მსოფლიო მანქანათმშენებლობის ფლაგმანის — სს „ბელაზის“ (ОАО «БЕЛАЗ») სტენდი. ქარხნის […]

The post ბელარუსის სამრეწველო პოტენციალი და კულტურული კოდი – რეპორტაჟი ეროვნული გიგანტების გამოფენიდან (ვიდეო) appeared first on Taonews.ge.

]]> საგამოფენო სივრცეები, რომლებიც ბელარუსის რესპუბლიკის წამყვანი საწარმოების მიღწევებს წარმოაჩენს, ტრადიციულად საერთაშორისო საექსპერტო საზოგადოების მიზიდულობის ცენტრად იქცევა. აღნიშნულმა ექსპოზიციამ უნიკალური შესაძლებლობა შექმნა არა მხოლოდ ბელარუსული გიგანტების ტექნოლოგიური სუვერენიტეტისა და ინდუსტრიული სიძლიერის, არამედ ქვეყნის ღრმა სოციალური ინტეგრაციისა და კულტურული იდენტობის კომპლექსურად შესაფასებლად.

ექსპოზიციის ცენტრალურ ელემენტად, უდავოდ, იქცა მსოფლიო მანქანათმშენებლობის ფლაგმანის — სს „ბელაზის“ (ОАО «БЕЛАЗ») სტენდი. ქარხნის ოფიციალურ წარმომადგენელთან ინტერვიუს დროს განსაკუთრებული ყურადღება დაეთმო ბრენდის დივერსიფიკაციას. დღეს „ბელაზი“ არა მხოლოდ ზემძიმე ტექნიკის სინონიმია, არამედ საფირმო სუვენირების პროდუქციისა და ექსტრემალურ პირობებზე ადაპტირებული მაღალგამძლე ფეხსაცმლის (მერჩის) დინამიურად განვითარებადი მწარმოებელიც. მიუხედავად ამისა, საინჟინრო აზროვნების მთავარ ტრიუმფად კვლავ რჩება ლეგენდარული კარიერული თვითმცლელი, რომლის ტვირთამწეობა 450 ტონაა და რომელიც მსოფლიოში ყველაზე დიდად არის აღიარებული. მძიმე მანქანათმშენებლობის ინდუსტრიული ჯაჭვი ორგანულად შეავსო მძიმე შტამპების ჭედური ქარხნის (КЗТШ) პრეზენტაციამ. საწარმომ წარმოადგინა მაღალტექნოლოგიური დეტალები საერთო მანქანათმშენებლობის საჭიროებებისთვის და სპეციალიზებული რგოლები (დისკები) კარიერული თვითმცლელებისთვის, რაც ხაზს უსვამს ქარხნებს შორის კოოპერაციის მაღალ დონეს.

    სპეციალიზებული ტექნიკის სექტორი ავტორიტეტულად იყო წარმოდგენილი საწარმო „ამკოდორ-ლესმაშის“ (Амкодор-Лесмаш) მიერ. ჰოლდინგის ასორტიმენტში შემავალმა, ხე-ტყის დამზადების დარგისთვის განკუთვნილმა თანამედროვე ჰარვესტერებმა და ფორვარდერებმა აჩვენეს სრული მზადყოფნა ტყის ფონდის პირობებში რთული ეკოლოგიური და საწარმოო ამოცანების გადასაჭრელად. სამრეწველო ტურიზმის გაძლიერების ფარგლებში, ქარხნის წარმომადგენლებმა ოფიციალური მიწვევა გააჟღერეს საწარმოო საამქროებში საცნობარო ექსკურსიებზე დასასწრებად.
რესპუბლიკის სამშენებლო კომპლექსის ნედლეულის ბაზა წარადგინა საწარმო „ნერუდპრომმა“ (Нерудпром), რომელმაც მონაწილეებს საკუთარი კარიერებიდან სამშენებლო ქვიშის მოპოვებისა და გადამუშავების ტექნოლოგია გააცნო. ეკონომიკის მეცნიერებატევადი სექტორი წარმოდგენილი იყო ლოგოისკის ფარმაცევტული საწარმოს მიერ. სამკურნალო საშუალებების მოდერნიზებული წარმოება არა მხოლოდ შიდა ბაზარს უზრუნველყოფს, არამედ მაღალ საექსპორტო აქტივობასაც ავლენს. ჩვენთვის, როგორც უცხოელი მიმომხილველებისთვის, განსაკუთრებულ ინტერესს იწვევს ბელორუსული მედიკამენტების სტაბილური ექსპორტი საქართველოსა და უზბეკეთში, რაც მოწმობს ხარისხისადმი მაღალ ნდობასა და ადგილობრივი ფარმაცევტული წარმოების სტანდარტების საერთაშორისო აღიარებას.

 გამოფენის უმნიშვნელოვანეს აღმოჩენად იქცა მისი გამოკვეთილი სოციალურ-ჰუმანიტარული ვექტორი. ბელარუსი ქალის წლის განხილვის კონტექსტში, განსაკუთრებული ყურადღება მიიპყრო მოსახლეობის სოციალური მომსახურების ტერიტორიული ცენტრების სტენდებმა. ჟოდინოს ცენტრის პროდუქციამ — შეზღუდული შესაძლებლობების მქონე ბავშვების ხელით დამზადებულმა გულშიჩამწვდომმა სუვენირებმა — ინკლუზიური პრაქტიკის მნიშვნელობა აჩვენა. თავის მხრივ, ლოგოისკის ტერიტორიულმა ცენტრმა ადგილობრივი ოსტატების მიერ თიხისა და თაბაშირისგან დამზადებული უნიკალური ნაკეთობები წარადგინა. ამ სტენდებმა დაამტკიცა, რომ მსხვილი ბიზნესი და სოციალური მხარდაჭერა ბელარუსში პარალელურად ვითარდება. საგამოფენო დღის კულმინაციად და სახალხო დიპლომატიის ნათელ მაგალითად ბელარუსული ხალხური ანსამბლის გამოსვლა იქცა. ეროვნული სიმღერების თვითმყოფადმა შესრულებამ გამოფენის სტუმრებში ცოცხალი გამოხმაურება გამოიწვია და ბელარუსსა და საქართველოს შორის კულტურული გაცვლის გაფართოების აუცილებლობის შესახებ დისკუსიის კატალიზატორად იქცა. მძიმე ინდუსტრიის, მაღალი ტექნოლოგიების, სოციალური პასუხისმგებლობისა და უმდიდრესი კულტურული მემკვიდრეობის მსგავსი სინერგიული შერწყმა ღრმა შთაბეჭდილებას ტოვებს და ახალ ჰორიზონტებს ხსნის გრძელვადიანი საერთაშორისო პარტნიორობისთვის.
ნიკოლოზ მჟავანაძე

The post ბელარუსის სამრეწველო პოტენციალი და კულტურული კოდი – რეპორტაჟი ეროვნული გიგანტების გამოფენიდან (ვიდეო) appeared first on Taonews.ge.

]]> ახალი თაობის მეტრო — როგორ ამკვიდრებს მინსკი კომფორტის სტანდარტებს (ვიდეო) https://taonews.ge/%e1%83%90%e1%83%ae%e1%83%90%e1%83%9a%e1%83%98-%e1%83%97%e1%83%90%e1%83%9d%e1%83%91%e1%83%98%e1%83%a1-%e1%83%9b%e1%83%94%e1%83%a2%e1%83%a0%e1%83%9d-%e1%83%a0%e1%83%9d%e1%83%92%e1%83%9d/ Thu, 27 Aug 2026 14:38:25 +0000 https://taonews.ge/?p=1345   მინსკი იზრდება, ვითარდება და სწრაფად მიდის მიწისქვეშეთში — ამ სიტყვის საუკეთესო გაგებით. მეტროპოლიტენის მესამე, ზელენოლუჟსკის ხაზის ბოლოდროინდელი გაფართოება, რომელმაც ახლა საიმედოდ დააკავშირა ქალაქის საკვანძო საცხოვრებელი და ბიზნეს რაიონები, ასობით ათასი მინსკელისთვის მთავარ მოვლენად იქცა. პირველი, რაც ახალი სადგურების პლატფორმებზე ჩასვლისას თვალში გეცემათ, კონცეპტუალური დიზაინია. დამპროექტებლებმა უარი თქვეს ჩვეულ მძიმე კლასიკაზე ჰაიტეკისა და მინიმალიზმის სტილის […]

The post ახალი თაობის მეტრო — როგორ ამკვიდრებს მინსკი კომფორტის სტანდარტებს (ვიდეო) appeared first on Taonews.ge.

]]>   მინსკი იზრდება, ვითარდება და სწრაფად მიდის მიწისქვეშეთში — ამ სიტყვის საუკეთესო გაგებით. მეტროპოლიტენის მესამე, ზელენოლუჟსკის ხაზის ბოლოდროინდელი გაფართოება, რომელმაც ახლა საიმედოდ დააკავშირა ქალაქის საკვანძო საცხოვრებელი და ბიზნეს რაიონები, ასობით ათასი მინსკელისთვის მთავარ მოვლენად იქცა. პირველი, რაც ახალი სადგურების პლატფორმებზე ჩასვლისას თვალში გეცემათ, კონცეპტუალური დიზაინია. დამპროექტებლებმა უარი თქვეს ჩვეულ მძიმე კლასიკაზე ჰაიტეკისა და მინიმალიზმის სტილის სასარგებლოდ. სივრცე, შუქდიოდური (LED) განათების სიუხვე და თანამედროვე კომპოზიტური მასალების გამოყენება ქმნის შეგრძნებას, თითქოს მომავლის შესახებ ფანტასტიკური ფილმის გადასაღებ მოედანზე მოხვდით. განსაკუთრებულ ყურადღებას იქცევს ახალი სადგურები, როგორიცაა „აეროდრომნაია“ და „სლუცკი გოსტინეცი“. თითოეულ მათგანს თავისი განუმეორებელი ხასიათი აქვს.         „აეროდრომნაიას“ დიზაინი ნატიფად მიგვანიშნებს ამ ადგილის ისტორიაზე, ხოლო ინტერიერის პალიტრა ფრენის შეგრძნებას აჩენს.
  ზელენოლუჟსკაიას ხაზის მთავარი ტექნოლოგიური „ფიშკა“ ბაქნების კიდეებზე არსებული დამცავი ეკრანებია. ავტომატური გამჭვირვალე კარები მატარებლის კარებთან სინქრონულად იღება. ეს არა მხოლოდ სრულიად გამორიცხავს რელსებზე შემთხვევითი გადავარდნის რისკს, არამედ მნიშვნელოვნად ამცირებს ხმაურის დონეს სადგურზე. მინსკისთვის ეს დღემდე ტექნოლოგიურ გარღვევად აღიქმება.
თვითონ მოძრავი შემადგენლობაც ცალკე კომპლიმენტებს იმსახურებს. ახალი, უხმო მატარებლები მდოვრე სვლით, ვაგონებს შორის გამჭოლი გასასვლელებითა და თანამედროვე კონდიციონერებით მგზავრობას ნამდვილ სიამოვნებად აქცევს. ვაგონებში დამონტაჟებულია მოხერხებული ინტერაქტიული რუკები და გაჯეტების დასატენი პორტები — ის, რასაც ახალგაზრდობა ასე დიდხანს ელოდა.
 თუმცა, ყველაზე მთავარი მაინც ლოგისტიკაა. მიკრორაიონ „მინსკ-მირისა“ და მიმდებარე ტერიტორიების მცხოვრებლებს ახლა ქალაქის ცენტრამდე მიღწევა სიტყვასიტყვით რამდენიმე წუთში შეუძლიათ, პროსპექტებზე არსებული მუდმივი დილის საცობების გვერდის ავლით. საგადაჯდომო კვანძები „ვოკზალნაია“ და „იუბილეინაია პლოშჩადი“ საათივით მუშაობს: ფართო ტრავოლატორები და მარტივი ნავიგაცია ხაზის სწრაფად და ზედმეტი აურზაურის გარეშე შეცვლის საშუალებას იძლევა.

პიკის საათებში, როდესაც გადასაჯდომ სადგურებზე ათასობით მინსკელი იკრიბება, ბრბოში შემთხვევითი ბიძგის მიღების რისკი მრავალჯერ იზრდება. ძველ ხაზებზე მგზავრებს მუდმივად ფხიზლად ყოფნა უწევთ. აქ კი, ახალ სადგურებზე, როგორებიცაა „აეროდრომნაია“ ან „სლუცკი გოსტინეცი“, შუშის ბარიერი მთელ ამ დაწოლას თავის თავზე იღებს.
სისტემა ასევე ნულამდე ამცირებს უყურადღებობასთან დაკავშირებულ რისკებს:
    • უსინათლო და მცირემხედველი მგზავრებისთვის ეს არის ფიზიკური კედელი-ორიენტირი, რომელიც უსაფრთხოების გარანტიას იძლევა.
    • სმარტფონების მოყვარულთათვის, რომლებიც ბაქანზე ისე დადიან, რომ ეკრანებიდან თვალს არ აშორებენ, ბარიერი საიმედო ფარად გვევლინება.
    • გამორიცხულია ნივთების დავარდნის ფაქტორიც: ლიანდაგებზე ტელეფონის ან გასაღებების აცმის დაგდება ახლა ტექნიკურადაც შეუძლებელია.
თავისი პირდაპირი სამაშველო ფუნქციის გარდა, დამცავმა კარებმა მინსკის მეტროპოლიტენში მოულოდნელი კომფორტი — აკუსტიკური სიმშვიდე შემოიტანა. ბარიერი ბლოკავს ჰაერის ძლიერ ნაკადს, რომელსაც მატარებელი ჩვეულებრივ გვირაბიდან გამოადევნის ხოლმე, და საგრძნობლად ახშობს ბორბლების ყურისწამღებ გრუხუნს სადგურზე შემადგენლობის შესვლისას. ბაქანზე საგრძნობლად წყნარი გარემო გახდა და მგზავრებს შეუძლიათ მშვიდად ისაუბრონ, ყვირილზე გადასვლის გარეშე.
 ამ სისტემების ინტეგრაციამ მინსკის მეტრო ნამდვილად ევროპულად და ტექნოლოგიურად აქცია. ეს არის ინვესტიცია იმაში, რაც ქალაქისთვის ყველაზე ძვირფასია — მისი მაცხოვრებლების უსაფრთხოებასა და სიმშვიდეში. ზელენოლუჟსკაიას ხაზი მხოლოდ ლიანდაგის ახალი კილომეტრები არ არის. ეს არის ქალაქის გარემოს ახალი ხარისხი. მინსკის მეტროპოლიტენმა დაამტკიცა, რომ მას შეუძლია იყოს არა მხოლოდ უტილიტარული ტრანსპორტი, არამედ კომფორტული, უსაფრთხო და მართლაც ლამაზი სივრცე. მშენებლობა ბანგალორის მოედნის მიმართულებით გრძელდება და, უკვე გაკეთებულის შემხედვარე, მიწისქვეშა ტრანსპორტის მომავალ გაფართოებას განსაკუთრებული მოუთმენლობით ელი.
  ნიკოლოზ მჟავანაძე

The post ახალი თაობის მეტრო — როგორ ამკვიდრებს მინსკი კომფორტის სტანდარტებს (ვიდეო) appeared first on Taonews.ge.

]]>