უკრაინის წინააღმდეგ განხორციელებული აგრესიის გამო, ყინულის ჰოკეის საერთაშორისო ფედერაციამ გადაწყვიტა, რომ რუსეთისა და ბელარუსის ეროვნული ნაკრებები და კლუბები ტურნირებიდან მოკვეთოს.
გარდა ამისა, ყინულის ჰოკეის საერთაშორისო ფედერაციის საბჭოს საგანგებო სხდომის გადაწყვეტილებით, რუსეთმა დაკარგა უფლება უმასპინძლოს ახალგაზრდულ მსოფლიო ჩემპიონატს, რომელიც 2022 წლის დეკემბერსა და 2023 წლის იანვარში ნოვოსიბირსკში და ომსკში უნდა ჩატარებულიყო.
