ტერორისტულმა დაჯგუფება „ჰამასმა“ ისრაელის მიმართულებით სარაკეტო დარტყმები განაახლა. აღნიშნულის შესახებ ინფორმაციას Timesofisrael-ი ავრცელებს.
გამოცემის ცნობით, „ჰამასმა“ ქალაქების – სდეროთისა და აშკელონის მიმართულებით რაკეტები გაუშვა. დაჯგუფება ღაზას სექტორში მრავალსართულიან კორპუსზე დარტყმის საპასუხოდ ახორციელებს მორიგ იერიშს.
ამ დროისთვის ბოლო ინფორმაციით, „ჰამასის“ მიერ განხორციელებული სარაკეტო დარტყმის შედეგად ქალაქ სდეროთში დაშავდა 6 წლის ბავშვი. კრიტიკულად მძიმეა ბავშვის მდგომარეობა. გარდა ამისა, დაშავებულია კიდევ 4 მოქალაქე.