შვეიცარიის მთავრობამ დაბლოკა შვეიცარიული წარმოების ჯავშანტექნიკის მიწოდება დანიის მიერ უკრაინაში, – ამის შესახებ უკრაინული მედია შვეიცარიული ტელეკომპანია SRF-ზე დაყრდნობით იტყობინება.
მათივე ცნობით, გადაწყვეტილების მიზეზად ქვეყნის ნეიტრალიტეტის პოლიტიკა დაასახელეს, რომლის თანახმადაც შვეიცარია კონფლიქტის ზონებს იარაღს არ აწვდის.
დანიის მთავრობას სურს უკრაინაში 20-მდე Piranha III საბრძოლო მანქანა გადაიტანოს. დანიის ხელისუფლებამ ოფიციალურად მიმართა შვეიცარიის ეკონომიკურ საკითხებში Seco-ს სახელმწიფო სამდივნოს ნებართვის მისაღებად – და უარი მიიღო.
აპრილში შვეიცარიამ ვეტო დაადო გერმანიის მიერ შვეიცარიული წარმოების საბრძოლო მასალის უკრაინაში რეექსპორტს, მან ასევე უარი უთხრა პოლონეთს უკრაინისთვის იარაღის გაგზავნაზე.