ქუთაისი ცენტრალური მოედანი ხალხითაა გადაჭედილი. აქცია წუთი წუთზე დაიწყება და მომიტინგეები კვლავაც ნამახვანჰესის მშენებლობის შეწყეტას ითხოვენ, ასევე ეკონომიკის მინისტრის ნათია თურნავას თანამდებობიდან განთავისუფლებას.
“ჩვენი მთავარი მოთხოვნაა გაუქმდეს მთავრობის განკარგულება, რომელიც რიონის ხეობის გადაცემას გულისხმობს უცხოელი ინვესტორის ხელში. მეორე მოთხოვნაა, გაწყდეს ხელშეკრულება კომპანია „ენკასთან“. მესამე, რომ 2015 წლიდან გაცემული ყველა დოკუმენტაცია გაბათილდეს და საბოლოოდ, გადადგეს ეკონომიკის მინისტრი ნათია თურნავა“, – განაცხადა რიონის ხეობის მკვიდრმა, ვარლამ გოლეთიანმა.
