ქართველი ხალხი იმსახურებს კომპრომისის მიღწევას ხელისუფლებისა და ოპოზიციის მხრიდან, – ამის შესახებ აშშ-ის სახელმწიფო დეპარტამენტის ევროპისა და ევრაზიის საკითხების ბიურო სოციალურ ქსელ „ტვიტერში“ წერს.
განცხადებაში აღნიშნულია, რომ კომპრომისი ქვეყნის წინსვლის ერთადერთი გზაა.
„ეს არის ქვეყნის წინსვლის ერთადერთი გზა. ვაშინგტონში ჩვენი გულწრფელი საუბრების არასწორი დახასიათება გულდასაწყვეტია“, – ნათქვამია სახელმწიფო დეპარტამენტის ევროპისა და ევრაზიის საკითხების ბიუროს განცხადებაში.
