სროლა თბილისის ცენტრში – ნაკაშიძის ქუჩაზე ერთი პირი, სავარაუდოდ, ცეცხლსასროლი იარაღიდან გასროლით დაჭრეს.
როგორც ადგილობრივები ამბობენ, თავდამსხმელი “გლოვოს” მოპედით გადაადგილდებოდა, რა დროსაც მასსა და ადგილობრივებს შორის შელაპარაკება მოხდა.
დაჭრილიც და მსროლელიც კლინიკაში არიან გადაყვანილები. ბრალდებული დაკავებულია.
ადგილობრივები მომხდარს წარსულ დაპირისპირებას და შურისძიებას უკავშირებენ.
მომხდარზე გამოძიება – 19/108 და 236-ე მუხლით დაიწყო, რაც განზრახ მკვლელობის მცდელობასა და იარაღის უკანონო შენახვა შეძენა ტარებას გულისხმობს.
