საქართველოს ნაკრებს, რომელიც კოსოვოში გაემგზავრა, პრიშტინას აეროპორტში დაშვების პრობლემა შეექმნა.
საბოლოოდ, ყველაფერი მშვიდობიანად დასრულდა.
როგორც Visioner-ის “ტვიტერიდან” ვიგებთ, უამინდობის გამო, თვითმფრინავი დაახლოებით 40 წუთის განმავლობაში წრიულად მოძრაობდა, ამის შემდეგ კი უსაფრთხოდ დაშვება შეძლო.
შეგახსენებთ, დღეს, 12 ოქტომბერს, მსოფლიო ჩემპიონატის შესარჩევ ეტაპზე საქართველოს ნაკრები კოსოვოს დაუპირისპირდება. შეხვედრა თბილისის დროით 22:45 საათზე დაიწყება.
