სამხრეთ კორეის პრეზიდენტი მუნ ჩე ინი „ასტრაზენეკას“ ვაქცინით აიცრა, – ამის შესახებ ინფორმაციას Reuters-ი ავრცელებს.
სააგენტოს ცნობით, 68 წლის პრეზიდენტთან ერთად მისი მეუღლე და ცხრა თანაშემწეც აიცრა.
სამხრეთ კორეაში კორონავირუსის საწინააღმდეგო ვაქცინაციის კამპანია თებერვლის ბოლოს დაიწყო და დღემდე ქვეყანაში 680 000-მდე მედიკოსი და მძიმე ავადმყოფი აიცრა, რომლებიც დაინფიცირების მაღალი რისკის ქვეშ არიან.
ხელისუფლება გეგმავს, რომ 52 მილიონიანი მოსახლეობის დაახლოებით მეოთხედი ივნისამდე აიცრება.
სამხრეთ კორეაში, გასული დღის განმავლობაში, კორონავირუსის 346 ახალი შემთხვევა გამოვლინდა და ინფიცირებულთა საერთო რაოდენობა 99 421-მდე გაიზარდა, დაღუპულია 1 704 ადამიანი.
