„სააკაშვილის ჩამოსვლა არ იყო მთლად სწორი, იგი უნდა ჩამოსულიყო მაშინ, როდესაც პარლამენტი იყო ერთპარტიული, ოპოზიცია იდგა ერთად და წკიპზე იყო ივანიშვილის რეჟიმი ჩამონგრევასთან, აი, მაშინ მისი ჩამოსვლა დაამთავრებდა პროცესს. ახლა ჩამოვიდა მუნიციპალურ არჩევნებზე, რომლის დროსაც ვნებათაღელვა არ არის მაღალი და ამავდროულად ვფიქრობ, რომ იგი თავის გუნდთანაც არ იყო კოორდინირებული. ის არასწორად იყო ინფორმირებული საზოგადოების განწყობაზე. ალბათ უთხრეს, რომ ხალხს ერთი სული აქვს, გამოჩნდე და როგორც კი გამოჩნდები, ეგრევე მოხდება რევოლუციაო. დაავიწყდათ ამის მთქმელებსაც და თვითონ სააკაშვილსაც, რომ ერთ მდინარეში ორჯერ ვერ შედიან, რადგან რევოლუციას ვერ ატარებენ წინა რევოლუციის შემოქმედები. არ ხდება მეორედ მესიანელობა, ამიტომ უნდა გაიგოს ეს მიხეილ სააკაშვილმა და პოლიტიკას უნდა ჩამოსცილდეს“, – განაცხადა შალვა ნათელაშვილმა.
