საჯაროდ ვადასტურებ, რომ არავითარი კავშირი რიონის ხეობის მოსახლეობის პროტესტის ორგანიზებასთან, დაფინანსებასთან, ჩემი მხრიდან არ არსებობს – განაცხადა საზოგადოებრივი მოძრაობა „ერთობა, რაობა, იმედის” დამფუძნებელმა ლევან ვასაძემ დღევანდელ პრესკონფერენციაზე.
“საჯაროდ ვადასტურებ, რომ არავითარი კავშირი რიონის ხეობის მოსახლეობის პროტესტის ორგანიზებასთან, დაფინანსებასთან, ჩემი მხრიდან არ არსებობს, არცერთი დოკუმენტი, არცერთი დასტური ამ ჭორებისა არ არსებობს. ვარლამ გოლეთიანმა არაერთხელ განაცხადა, რომ მას პოლიტიკა არ აინტერესებს, ის არის უბრალოდ მცველი თავისი ხეობის, მშობლიური ადგილებისა და მე როგორც არავის, მესმის ამ ახლაგაზრდა კაცის პოზიციის, იმიტომ, რომ მეც არაერთი წელი გულწრფელად ვერიდებოდი პოლიტიკას და ძალიან დიდი გაგებით ვეკიდები ამ ადამიანის ასეთ პოზიციას”- განაცხადა ლევან ვასაძემ
