“რასიზმი ეს არის ჯანდაცვის სერიოზული საფრთხე, რომელიც გავლენას ახდენს მილიონობით ამერიკელის კეთილდღეობაზე და მოქმედებს მთელი ქვეყნის ჯანდაცვაზე” – ამერიკის შეერთებული შტატების დაავადებათა კონტროლისა და პრევენციის ცენტრმა რასიზმი საზოგადოებრივი ჯანდაცვისთვის სერიოზულ საფრთხედ გამოაცხადა.
”პანდემიამ გამოავლინა უთანასწორობები, რომლებიც თაობების განმავლობაში არსებობდა და მთელი ამერიკისთვის გამოავლინა საზოგადოებრივ ჯანმრთელობაზე გავლენის მომხდენი ცნობილი, მაგრამ ხშირად მოუგვარებელი ეპიდემია, რასიზმი. რასიზმი ეს არის ჯანდაცვის სერიოზული საფრთხე, რომელიც პირდაპირ გავლენას ახდენს მილიონობით ამერიკელის კეთილდღეობაზე და შედეგად, ის მოქმედებს მთელი ქვეყნის ჯანდაცვაზე”, – განაცხადა ცენტრის დირექტორმა როშელ ვალენსკიმ.