საქართველოს სახალხო დამცველი ნინო ლომჯარია, მასთან არსებულ ეროვნულ უმცირესობათა საბჭოსთან ერთად საქართველოს მთავრობას მიმართავს, რომ ნოვრუზის დღესასწაულის აღნიშვნის მიზნით, 21 მარტს დროებით მოხსნას გადაადგილების შეზღუდვა, რაც შესაძლებლობას მისცემს ჩვენს მოქალაქეებს შეუფერხებლად და ღირსეულად აღნიშნონ ნოვრუზის დღესასწაული. – ამის შესახებ ინფორმაციას სახალხო დამცველის აპარატი ავრცელებს.
