„საქართველოში ამის დაგეგმვა ძალიან დიდი უაზრობაა“,- ასე ეხმაურებოდა წლების წინ ტელეკომპანია „პირველის“ ხელმძღვანელი ინგა გრიგოლია საქართველოში დაგეგმილ გეიაღლუმს. მაშინ გრიგოლია პარტია “ქრისტიან-დემოკრატების” წევრი იყო.
„ქვით ხელში არ დავდგები, მაგრამ აუცილებლად გავაპროტესტებ. ამისთვის კი ჩემს პოლიტიკური ტრიბუნას გამოვიყენებ. იცხოვრონ სექსუალური უმცირესობის წარმომადგენლებმა, მათ არავინ ერჩით, მაგრამ ცხვირში ნუ გვაჩეჩებენ.
არ ვიცი, თუ იმიტომ კეთდება, რომ მერე ბევრი გრანტი აიღონ, ეს ძალიან სერიოზული პრობლემა გახდება მათთვის. თუ მსგავსი რამ ჩატარდა, ალბათ დაარბევენ. მერე კი სათქმელი ექნებათ, აი, საქართველოში ირღვევა განსხვავებული ორიენტაციის მქონეთა უფლებებიო. ისეთ ქვეყანაში, სადაც ყველაზე მეტად პატრიარქს ენდობიან, ნორმალურ ადამიანს ეს თავში აზრად როგორ მოუვიდა?! სულ გაუფრენიათ.
ბოლო პერიოდში ტელევიზიით იმდენი გეი და ლესბოსელი ვნახე, გამოვლენ, აბა, რას იზამენ. აუცილებლად აღნიშნეთ – ჩვენი პარტია გამორიცხავს მსგავსი აღლუმების მხარდაჭერას“, – აცხადებდა ინგა გრიგოლია ერთ-ერთი გამოცემისთვის მიცემულ ინტერვიუში.
