ჩვენ ვერ გავიმარჯვებთ თუ აშშ შეწყვეტს უკრაინის დახმარებას,- განაცხადა უკრაინის პრეზიდენტმა ვლადიმერ ზელენსკიმ „ესოშიეითიდ პრესთან“ ინტერვიუში.
როგორც ზელენსკი აღნიშნავს, ქალაქ ბახმუტისთვის ბრძოლის წაგების შემთხვევაში, მასზე ზეწოლა გაიზრდება, როგორც საერთაშორისო საზოგადოებისგან, ისე ქვეყნის შიგნითაც. „ამ გამარჯვებას პუტინი დასავლეთს, საკუთარ საზოგადოებას, ჩინეთსა და ირანს მიჰყიდის“- აცხადებს პრეზიდენტი.
უკრაინის ლიდერის თქმით, ამ ეტაპზე უკრაინის ნებისმიერმა მარცხმა შესაძლოა, სავალალო შედეგი გამოიწვიოს.
