ესპანეთის ნაკრები თბილისშია. ლუის ენრიკეს გუნდი მსოფლიოს 2022 წლის ჩემპიონატის შესარჩევ ციკლში მეორე მატჩს 28 მარტს, სტუმრად საქართველოს ნაკრებთან ჩაატარებს. ესპანელებმა B ჯგუფის პირველ მატჩში შინ საბერძნეთთან ქულები გაიყვეს (1:1), ვილი სანიოლის გუნდმა კი სტუმრად შვედეთთან მინიმალური ანგარიშით წააგო (0:1). საქართველოს და ესპანეთის ნაკრებების დაპირისპირება “დინამო არენაზე” 20:00 სთ-ზე დაიწყება და მას 16 ათასამდე გულშემატკივარი დაესწრება.
