“დარწმუნებული ვარ, რომ უკრაინის ხელისუფლება წარდგება ღვთის სასამართლოს წინაშე და მიიღებს ყველაფრისთვის, რაც ჩაიდინა“ – მედვედევი კიევ-პეჩერის ლავრის მოვლენებზე

რუსეთის უშიშროების საბჭოს თავმჯდომარის მოადგილე, დიმიტრი მედვედევი ამბობს, რომ უკრაინის ხელისუფლება კიევ-პეჩერის ლავრას წინააღმდეგ ჩადენილისთვის “ღვთის სასამართლოს წინაშე წარდგებიან”.

“დარწმუნებული ვარ, რომ ისინი წარდგებიან არა მხოლოდ ადამიანების სასამართლოს წინაშე, არამედ, უპირველეს ყოვლისა, ღვთის სასამართლოს წინაშე და მიიღებენ ყველაფრისთვის, რაც ჩაიდინეს”, –  წერს მედვედევი ტელეგრამზე.ცნობისთვის, გუშინ, პირველ აპრილს, კიევის სასამართლომ კიევ-პეჩერის ლავრის ყოფილ ხელმძღვანელს, მიტროპოლიტ პავლეს ორთვიანი შინაპატიმრობა მიუსაჯა. მას ბრალად ედება რელიგიურ ნიადაგზე შუღლის გაღვივება და უკრაინის წინააღმდეგ რუსეთის აგრესიის გამართლება.