“გახარია მერობის კანდიდატად საკუთარი თავის დასახელებას ვერ გაბედავს” – სოზარ სუბარი

,,ქართული ოცნება”  გადამწყვეტი არჩევნებისთვის მზადებას იწყებს.  უმრავლესობის წევრები როსტომ მეფის სასახლეში მსჯელობდნენ, როგორი იქნება მმართველი პარტიის სტრატეგია ადგილობრივი თვითმმართველობის არჩევნების წინ, როდის და საიდან დაიწყება ამომრჩეველთან შეხვედრები და რა გეგმა აქვს ,,ოცნებას” იმისთვის, რომ დამაჯერებელი გამარჯვება მოიპოვოს.

შეხვედრის დასრულების შემდეგ ტვ პირველმა სოზარ სუბარს კითხვა დაუსვა ადგილობრივ არჩევნებში გახარიას შანსზე.  სუბარის ინფორმაციით, ექსპრემიერი არჩევნებში მონაწილეობას და საკუთარი კანდიდატურის დაყენებას ვერ გაბედავს.

გახარია ვერ გაბედავს მერობის კანდიდატად საკუთარი თავის დაყენებას. მან იცის, რა შესაძლებლობები აქვს და ჩვენ კონკურენციის არ გვეშინია – განუცხადა ტვ პირველს სოზარ სუბარმა.