ბაქოში გენერლების რეპრესიები დაიწყო?! რუსული მასმედია az.sputniknews.ru იუწყება, რომ აზერბაიჯანში უმაღლესი სამხედრო პირების დაპატიმრება დაიწყო.
ბაქოს სამხედრო სასამართლოს დადგენილებით, დააკავეს აზერბაიჯანის არმიის კორპუსის ყოფილი მეთაური, ქვეყნის ეროვნული გმირი, გენერალ-ლეიტენანტი როვშან ტელმან-ოღლი აქბაროვი ბრალდებით – 2001 წელს თურმე კიევში თანამემამულე მკვლელობასთქან დაკავშირებით.
რუსული “ვზგლიადი” www.vz.ru თვლის, რომ მისი დაპატიმრება სენსაციურია, რადგან ბოლო დრომდე იგი ალიევების ოჯახის პირად მეგობრად ითვლებოდა.
“ვზგლიადი” დაკავების საკმაოდ სკანდალურ მიზეზს ასახელებს – საქმეში ილჰამ ალიევისა და როვშან აქბაროვის ქალიშვილები არიან გარეულნი.
რუსული გამოცემა ასევე წერს, რომ თანამდებობებიდან რამდენიმე გენერალი გადააყენეს, მათ შორის შამქორის საარმიო კორპუსის ახლადდანიშნული მეთაური, გენერალ-მაიორი ჰაგანი ჯებრაილოვი.
