ბათუმისა და ლაზეთის მიტროპოლიტი დიმიტრი (შიოლაშვილი) აცხადებს, რომ შერიგების სურვილი უნდა მოდიოდეს ტანჯულისგან და არა მტანჯველისგან და იმ სასულიერო პირებს მიმართავს, ვინც ყოფილი პრეზიდენტის, მიხეილ სააკაშვილის საპატიმროდან გათავისუფლების მოთხოვნით შექმნილ პეტიციას ხელი მოაწერეს.
„შერიგება საღმრთო საქმეა, ჩვენი რწმენის დედა აზრი და საფუძველთა საფუძველი, შერიგების სურვილი უნდა მოდიოდეს ტანჯულისგან და არა მტანჯველისგან, მტანჯველი კი სინანულს უნდა განიცდიდეს, პეტიციაზე ხელმომწერ მღვდელმთავრებს მივმართავ, ერთხელ მაინც თუ შეხვედრიხართ ამ ტანჯვა-წამება გამოვლილ ოჯახებს, მათი ჭირ-ვარამი თუ მოგისმენიათ?“ – წერს მეუფე სოციალურ ქსელში და თან სულხან მოლაშვილის ვიდეოკადრს აზიარებს.
