რუსეთი აჩერებს მონაწილეობას რუსეთ-აშშ-ის სტრატეგიული შეიარაღების შემცირების ხელშეკრულებაში, – ამის შესახებ რუსეთის პრეზიდენტმა, ვლადიმირ პუტინმა განაცხადა.
მისივე თქმით, ვიდრე დისკუსიას დაუბრუნდებიან, უნდა ესმოდეთ, რა მიზანი აქვთ საფრანგეთსა და დიდ ბრიტანეთს.
„იძულებული ვარ, დღეს განვაცხადო, რომ რუსეთი აჩერებს მონაწილეობას სტრატეგიული შეტევითი იარაღის ხელშეკრულებაში. ვიმეორებ: შეთანხმებიდან არ გადის, აჩერებს მონაწილეობას, მაგრამ ვიდრე დისკუსიას დავუბრუნდებით, ჩვენ თვითონ უნდა გვესმოდეს, რა მიზანი აქვთ ისეთ ქვეყნებს, როგორიცაა საფრანგეთი და დიდი ბრიტანეთი, და როგორ გავითვალისწინებთ მათ სტრატეგიულ არსენალს, ანუ მთლიან დარტყმის პოტენციალს“, – განაცხადა ვლადიმირ პუტინმა.
