TaoNews.Ge

შეერთებულმა შტატებმა 10 რუსი დიპლომატი ქვეყნიდან გააძევა 

CNN: ბაიდენმა პუტინს უკრაინაში შეჭრისთვის მწვანე შუქი აუნთო – უკრაინა შოკირებულია

უკრაინის მთავრობის წარმომადგენელი ამერიკულ ტელეკომპანია „სიენენთან“ საუბარში აცხადებს, რომ შოკირებულია ჯო ბაიდენის იმ განცხადებით, რომლის მიხედვითაც, აშშ-ის პრეზიდენტი უკრაინაში რუსეთის მიერ შესაძლო შეჭრასა და „მცირე შეჭრას“ ერთმანეთისგან განასხვავებს.

„ეს პუტინს მწვანე შუქს უნთებს უკრაინაში შესასვლელად“, – აღნიშნა „სიენენთან“ საუბარში უკრაინის ხელისუფლების წარმომადგენელმა, რომლის სახელსაც ამერიკული მედიასაშუალება არ ასაჯაროებს.

უკრაინის მთავრობის წარმომადგენელი აცხადებს, რომ აქამდე აშშ-ის ადმინისტრაციისგან მსგავსი რამ არასდროს მოუსმენიათ.

„კიევი გაოგნებულია“, – აღნიშნავს „სიენენის“ რესპონდენტი.

წუხელ გამართული პრესკონფერენციის დროს, აშშ-ის პრეზიდენტმა ჯო ბაიდენმა განაცხადა, რომ უკრაინაში რუსეთის „მცირე შეჭრას“ შესაძლოა, მოჰყვეს ნაკლები რეაგირება, ვიდრე ფართომასშტაბიან ინტერვენციას.

„ერთი საკითხია მცირე შეჭრა და იმაზე დავა, თუ რა მოვიმოქმედოთ ან არ მოვიმოქმედოთ, თუმცა თუ ისინი რეალურად გააკეთებენ იმას, რისი უნარიც შესწევთ საზღვართან თავმოყრილი ძალებით, ეს იქნება კატასტროფა რუსეთისთვის, თუ ისინი შემდგომში შეიჭრებიან უკრაინაში. ჩვენი მოკავშირეები და პარტნიორები მზად არიან, მიაყენონ სერიოზული ზიანი რუსეთს და რუსეთის ეკონომიკას. რუსეთს პასუხისგება მოუწევს შეჭრის შემთხვევაში“, – აღნიშნა ბაიდენმა.

მსგავსი სიახლეები

კოპირება აკრძალულია!