ჯანდაცვის მსოფლიო ორგანიზაციის ვაქცინების უსაფრთხოების საკონსულტაციო კომიტეტმა დაასკვნა, რომ კორონავირუსის საწინააღმდეგო AstraZeneca-ს ვაქცინის სარგებელი რისკებს აღემატება.
„AstraZeneca-ს ვაქცინას (Covishield-ის ჩათვლით) სარგებლისა და რისკის დადებითი პროფილი აქვს. მას უდიდესი პოტენციალი აქვს ინფიცირების თავიდან აცილებისა და სიკვდილიანობის შემცირების კუთხით“, – ნათქვამია განცხადებაში.
ჯანდაცვის მსოფლიო ორგანიზაციაში აღნიშნავენ, რომ არსებული მონაცემები არ ცხადყოფენ შედედების პირობებში რაიმე ზრდას, როგორიცაა ღრმა ვენების თრომბოზი ან ფილტვის ემბოლია.
18 მარტს, ევროპის წამლის სააგენტომ AstraZeneca-ს ვაქცინას მწვანე შუქი აუნთო.
„საუბარია უსაფრთხო და ეფექტურ ვაქცინაზე. AstraZeneca-ს ვაქცინის სარგებელი კორონავირუსის წინააღმდეგ ბრძოლაში მის შესაძლო რისკებს აღემატება“, – განაცხადა ევროპის წამლის სააგენტოს აღმასრულებელმა დირექტორმა ემერ ქუკმა.
