“ბრავო , მაგდა, ყოჩაღ! ვერ ვიფიქრებდი , რომ ჩვენს დახურვას მოითხოვდნენ და შენს თვალებში შეციცინებულ სახეს დავინახავდი, ამის გარდა ყველაფერს წარმოვიდგენდი” ,- ჟურნალისტი ინგა გრიგოლია მის კოლეგას, მაგდა ანიკაშვილსს მიმართავს.
გრიგოლია მოუწოდებს ანიკაშვილს ეს დღე კარგად დაიმახსოვროს, რადგან მოვა დრო და ამ ყველაფერს ინანებს.
“არასოდეს არც ერთი ჟურნალისტისთვის ასე საჯაროდ, ეთერიდან არ მიმიმართავს. ყოჩაღ, მაგდა, ყოჩაღ, ბრავო! რაც მე იმ დღეს ვნახე ამის მეტს ვერაფერს ვერ ვიტყვი. ყველას გვაქვს ჩვენი ისტორია, ყველაფერს ვიფიქრებდი და შენი წაყვანილი გადაცემიდან იმ ყველაფერს რომ მოვისმენდი არ მეგონა. როგორ გვიწოდებდნენ საროსკიპოებს და როგორ მოითხოვდნენ ჩვენს დახურვას და შენს თვალებში შეციცინებულ სახეს რომ დავინახავდი ამას ნამდვილად ვერ ვიფიქრებდი.
ყველაფერს დაარქმევს ეს ცხოვრება თავის სახელს და ეს ცხოვრება არც თუ ისე გრძელია , მაგდა. მე მინდა , რომ ეს დღე დაიმახსოვრო დადგება ის დრო , როცა შენ ინანებ. ინანებ, რომ თვალებში შესციცინებდი იმ დღეს იმათ, ვინც მედიის დახურვას მოითხოვდა” , – განაცხადა გრიგოლიამ გადაცემა ” რეაქციაში”.
