უნგრეთის მთავრობის მიერ მიღებული ახალი ნორმებით, რომლითაც სამაუწყებლო კომპანიებმა უნდა იხელმძღვანელონ ფილმების შეფასების დროს, ზოგიერთი ფილმი, რომელიც ლგბტ-თემატიკას, ან გენდერულ საკითხებს ეძღვნება, იმავე შეზღუდვებს დაექვემდებარება, როგორც ძალადობის მაჩვენებელი საშინელებათა ფილმები.
15 სექტემბერს მედიის ეროვნული სამმართველოს მედიის საბჭომ და საინფორმაციო კომუნიკაციის უწყებამ გამოსცეს დადგენილება, რომლის თანახმად, ფილმები, რომლებშიც ლგბტ-თემა ან გენდერული საკითხები „განმსაზღვრელი ნიშანია“, 18 წლამდე ასაკამდე ბავშვებისთვის არ იქნება რეკომენდირებული.
„ზოგადი ჟესტები, სინაზე, ლოყაზე კოცნა, ჩახუტება, ხელი-ხელ ჩაკიდებული სიარული სეირნობისას და კოცნა, თუ ისინი არის თვითმიზნურად ნაჩვენები, ან არ წარმოადგენს პროგრამის ცენტრალურ ელემენტს, პრობლემას არ წარმოადგენს“- ნათქვამია სახელმძღვანელო პრინციპებში. ფილმები, სადაც ასეთი თემები ფართოდაა წარმოდგენილი, გაუთანაბრდება საშინელებათა ფილმებს, სადაც ძალადობაა ნაჩვენები, როგორიცაა მაგალითად, სერიალები, „ხერხი სლეშერი“ და „ეგზორცისტი“.
ახალი სახელმძღვანელო პრინციპები გაჩნდა მას მერე, რაც ივნისში შემოიღეს კანონი, რომელიც კრძალავს „ჰომოსექსუალობის ჩვენებას და პროპაგანდას“ 18 წლის ასაკამდე ბავშვებს შორის.
