უკრაინის პრეზიდენტის ოფისის მრჩეველი, ოლექსი არესტოვიჩი გადადგა.
გადადგომა უკავშირდება დნიპროს დაბომბვასთან დაკავშირებით გაკეთებულ განცხადებას. არესტოვიჩმა თქვა, რომ რუსეთის მიერ ნასროლი რაკეტა ანტისაჰაერო სისტემამ ჩამოაგდო. მეორე დღეს მან თავისივე განცხადება უარყო და ბოდიში მოიხადა.
„მინდა ცივილური საქციელის მაგალითი ვაჩვენო: პრინციპული შეცდომა დავუშვი, შესაბამისად, უნდა გადავდგე,“ – აცხადებს არესტოვიჩი და გადადგომის შესახებ განცხადების ფოტოს ავრცელებს.
