ესტონეთის პრემიერ-მინისტრ კაია კალასს კორონავირუსი დაუდასტურდა. ამის შესახებ პოლიტიკოსმა სოციალურ ქსელში დაწერა.
”დადგა დღე, როდესაც მეც შევუერთდი ათასობით ესტონელს, რომლებსაც დაუდგინდათ კორონავირუსი.” – წერს პრემიერ-მინისტრი.
მისი თქმით, აღენიშნებოდა მსუბუქი სიმპტომები, დაბალი სიცხით, ამიტომ შედეგი მისთვის მოულოდნელი იყო.
“ეს კიდევ ერთი დასტურია იმისა, თუ რამდენად ცბიერია COVID-19” – წერს კალასი.