სომხეთი თურქეთთან ურთიერთობის ნორმალიზებისთვის მზადაა წინაპირობების გარეშე დაიწყოს საზღვრის გახსნა. ამის შესახებ ვიცე-სპიკერმა აკოპ არშაკიანმა პარლამენტის სხდომაზე განაცხადა, იუწყება TASS.
“ჩვენი პოზიცია არ შეცვლილა. სომხეთი მზადაა გააღოს საზღვრები და დაიწყოს ურთიერთობების ნორმალიზაცია თურქეთთან წინაპირობების გარეშე. ეს გამომდინარეობს სომხეთისა და სომეხი ხალხის ინტერესებიდან”, – განაცხადა არშაკიანმა.
სომხეთისა და თურქეთის სპეციალური წარმომადგენლების პირველი შეხვედრა ურთიერთობების ნორმალიზაციის შესახებ 14 იანვარს მოსკოვში გაიმართა. თურქეთისა და სომხეთის საგარეო საქმეთა სამინისტროებმა შეხვედრა დადებითად შეაფასეს.
