,,კონსერვატიული მოძრაობის” ლიდერი, შოთა მარტინენკო, სოციალურ ქსელში 5 ივლისის საქმის დღევანდელ სასამართლო პროცესს გამოეხმაურა.
,,სააპელაციო სასამართლომ 5 ივლისს დაკავებულები პატიმრობაში დატოვა და 4-4 წლიანი სასჯელი განუსაზღვრა. და ეს გაუგონარი სიმკაცრის განაჩენია ამ ხელისუფლების რეალური პოლიტიკის სახე და არა ის თვალთმაქცური კონსერვატიული რიტორიკა, რომელსაც ბოლო პერიოდში ქულების ჩასაწერად აჟღერებს. გარყვნილების წინააღმდეგ ბრძოლისთვის დაკავებულების მიმართ ნულოვანი ტოლერანტობა – ესაა ამ უკიდურესად ანტიეროვნული სისტემის მიერ დამკვიდრებული რეალობა და მის მიერ რეპრესირებული ეს სინდისის პატიმრები არიან ერთადერთი რეალური პოლიტპატიმრები ამ ქვეყანაში”, – ვკითხულობთ შოთა მარტინენკოს განცხადებაში.
