უკრაინის პრეზიდენტი ვოლოდიმირ ზელენსკი გაეროს უშიშროების საბჭოს სხდომაზე სიტყვით გამოვიდა.
ზელენსკიმ აღნიშნა, რომ რუსეთს ბირთვული იარაღის ქონის უფლება არ უნდა ჰქონდეს, რადგან იგი მსოფლიოს უსაფრთხოების გარანტიას არ აძლევს.
„ატომური იარაღის გამოყენების მუქარა რუსი ოფიციალური პირებისა და პროპაგანდისტების მუდმივ ნარატივად იქცა. ეს ადასტურებს, რომ რუსეთს არ აქვს უფლება, ბირთვული იარაღი ჰქონდეს, რადგან მას უბრალოდ არ შეუძლია მსოფლიოს უსაფრთხოების გარანტია მისცეს“, – განაცხადა ზელენსკიმ.