მსოფლიო რაგბი უკრაინის წინააღმდეგ განხორციელებული აგრესიის გამო რუსეთსა და ბელარუსს სანქციებს უწესებს.
ორივე ქვეყნის ეროვნული ნაკრებები და კლუბები სარაგბო ტურნირებში მონაწილეობას ვეღარ მიიღებენ.
გარდა ამისა, რუსეთის რაგბის კავშირს მსოფლიო რაგბის წევრობაც შეუჩერდა.
„მსოფლიო რაგბი კიდევ ერთხელ გმობს რუსეთის აგრესიულ შეჭრას უკრაინაში და ბელარუსის მიერ ამ ქმედების ხელშეწყობას“, – აღნიშნავენ ორგანიზაციაში.