უწყებათაშორისმა საკოორდინაციო საბჭომ პრემიერ-მინისტრ, ირაკლი ღარიბაშვილის მეთაურობით მიიღო გადაწყვეტილება, 8 მარტიდან, საქართველოში შეზღუდვების მორიგი ნაწილის მოხსნის თაობაზე.
ხვალიდან სამთო კურორტებზე არსებული საბაგიროები გაიხსნება ეპიდემიოლოგიური სტანდარტებისა და რეგულაციების სრული დაცვით;
საქართველოს მასშტაბით, რესტორნები შიდა სივრცეებშიც აღადგენენ ფუნქციონირებას.
არასასურსათო საცალო ვაჭრობა შაბათ-კვირის ჩათვლით, იგულისხმება როგორც სავაჭრო მოლები, ისე ბაზრობები, მუშაობას განაახლებენ.
15 მარტიდან:უმაღლესი და პროფესიული სასწავლებლები სასწავლო პროცესის აუდიტორიებში აღდგენას შეძლებენ.
ფუნქციონირებას განაახლებენ სპორტული დარბაზები განსაზღვრული რეგულაციების დაცვით;
თეატრები, სპორტული კლუბები, პროფესიული ანსამბლები რეპეტიციების და ვარჯიშის განახლებას შეძლებენ;
სასკოლო წრეები ასევე განახლდება 15 მარტიდან;
ძალაში რჩება 21 საათიდან დილის 5 საათამდე გადაადგილებაზე დაწესებული შეზღუდვა.
