შემოქმედის ეპარქიის მღვდელს, მამა იოსებ ღლონტს მეუფე იოსებმა მღვდელმსახურების უფლება შეუჩერა. ირკვევა, რომ ამის მიზეზი სასულიერო პირის მხრიდან Facebook-ზე უხამსი შინაარსის ფოტოს გაზიარება ხდება.
მეუფე იოსებმა მას მღვდელმსახურება რამდენიმე თვით შეუწყვიტა და ამის შესახებ “მთავარი არხის” ჟურნალისტის, ვლადიმერ მენაბდის Facebook-პოსტის კომენტარებში დაწერა. როგორც ჩანს, ეს გადაწყვეტილება მიტროპოლიტმა მას შემდეგ მიიღო, რაც ჩვენს ეთერში, გუშინ მამა იოსების კომენტარი გავიდა.
“მამა იოსები დაისაჯა უცენზურო ფოტომონტაჟის გამოქვეყნების გამო. რამდენიმე თვით შეუჩერდა მღვდელმსახურება,” – წერს მეუფე იოსები.
