რუსული თავდაცვითი საწარმოები რამდენიმე ცვლაში მუშაობენ, ზოგიერთი მათგანი მთელი დღე-ღამის განმავლობაში.
ამის შესახებ 17 იანვარს რუსეთის პრეზიდენტმა, ვლადიმერ პუტინმა ეკონომიკურ საკითხებზე გამართულ შეხვედრაზე განაცხადა.
მის განცხადებებს რუსული მედია ავრცელებს.
პუტინის თქმით, რუსეთის სამხედრო-სამრეწველო კომპლექსმა გასული წლის განმავლობაში სერიოზული იმპულსი მოიპოვა და აგრძელებს შესაძლებლობების გაზრდას.
მან ასევე მადლობა გადაუხადა თავდაცვის საწარმოების ყველა თანამშრომელს “შრომისმოყვარეობისთვის”.