რუსეთის საგარეო საქმეთა მინისტრმა სერგეი ლავროვმა განაცხადა, რომ მოლდოველები თავიანთ მომავალზე უნდა დარდობდნენ, – ამის შესახებ ბიბისი რუსულ მედიაზე დაყრდნობით იუწყება.
„მოლდოველებს უნდა აწუხებდეთ თავიანთი მომავალი, მათ ნატოსკენ მიათრევენ“ – განაცხადა ლავროვმა.
შეგახსენებთ, მოლდოვის უსაფრთხოების საკითხი წინა პლანზე მას შემდეგ წამოიწია, რაც რუსების მიერ ოკუპირებულ დნესტრისპირეთში რადიოსა და ტელევიზიის ცენტრში რამდენიმე აფეთქება მოხდა. გარდა ამისა, 25 აპრილს აფეთქებები თვითგამოცხადებული დნესტრისპირეთის სახელმწიფო უშიშროების სამინისტროს შენობაშიც მოხდა.
