მაჰათმა განდის ახლადგახსნილი ძეგლი უკვე დააზიანეს. ძეგლს მოპარეს სათვალე, – ამის შესახებ ქალაქის მერმა კახა კალაძემ განაცხადა.
“ამჯერად პრობლემა უნდა გაგიზიაროთ, რომელიც პირდაპირ კავშირშია დედაქალაქში განხორციელებულ პროექტებთან და საკმაოდ აზარალებს ქალაქს, მის ინფრასტრუქტურას. რაც მთავარია, აზარალებს თბილისის იმიჯს. საუბარია ვანდალიზმის ყოველდღიურ ფაქტებზე, როცა, უმეტეს შემთხვევაში, დღისით-მზისით ანადგურებენ დიდი მზრუნველობითა და სიყვარულით გაკეთებულს, რომ აღარაფერი ვთქვათ მატერიალურ ზარალზე”, – განაცხადა ქალაქის მერმა.
