მოლდოვის პრეზიდენტმა მაია სანდუმ პარლამენტში სიტყვით გამოსვლისას განაცხადა, რომ 2030 წელს მოლდოვა ევროკავშირის წევრი უნდა გახდეს. როგორც სანდუმ განაცხადა, ეს არის ერთადერთი გზა, რომელიც მოლდოვას თავისუფალ და ძლიერ ქვეყნად აქცევს.
„2030 წელს მოლდოვა ევროკავშირის წევრი უნდა იყოს. ახლა ჩვენ გვაქვს რეალური შანსი გავხდეთ ევროპული ოჯახის სრულუფლებიანი წევრი. გვაქვს ევროკავშირის წევრი ქვეყნების მხარდაჭერა, მოლდოველებმა აირჩიეს ევროპული გზა“, – განაცხადა სანდუმ.