რუსეთის საგარეო საქმეთა მინისტრის სერგეი ლავროვი ამბობს, რომ ქართული მხარე 3+3 ფორმატში გაწევრიანებაზე “ჯერ კიდევ ფიქრობს” და აღნიშნავს, რომ “თბილისისთვის კარი ღიაა”.
ლავროვმა ეს სომხეთის საგარეო საქმეთა მინისტრთან მოლაპარაკების შემდეგ გამართულ პრესკონფერენციაზე განაცხადა.
“ქართული მხარე ჯერ კიდევ ფიქრობს ამ ფორმატში მონაწილეობაზე. პირველი შეხვედრა შედგა, თბილისისთვის კარი ღიაა. ახლა ვმუშაობთ 3+3 ფორმატის მეორე შეხვედრის მოწვევაზე. დასავლეთი უკვე აქტიურად მუშაობს ამ სტრუქტურისთვის ძირის გამოთხრაზე, რომელმაც ახლახან დაიწყო ჩამოყალიბება”- ამბობს ლავროვი.