ისრაელის სამხედრო ძალებმა ღაზის სექტორში „ჰამასის“ მეთაურის სახლი დაბომბა.
გამოცემის ინფორმაციით, საჰაერო იერიშს 4 პალესტინელის სიცოცხლე ემსხვერპლა, დაშავებულთა რაოდენობა საკმაოდ დიდია.
ისრაელი გააგრძელებს სრული ძალით მოქმედებას, ვინც ცეცხლი დაანთო, ის მიიღებს ცეცხლს, – აცხადებს ისრაელის პრემიერ-მინისტრი, ბენიამინ ნეთანიაჰუ.
„ჩვენ გავაგრძელებთ სრული ძალით მოქმედებას. გამანადგურებელ დარტყმებს ვაყენებთ ტერორისტულ ორგანიზაციას. ის, ვინც ცეცხლი დაანთო, მიიღებს ცეცხლს“, – განაცხადა ისრაელის პრემიერ-მინისტრმა.
კონფლიქტის დაწყებიდან დღემდე ღაზის სექტორში 149 ადამიანი გარდაიცვალა. მათგან 41 ბავშვია. ისრაელში კი დაპირისპირებას 10 ადამიანი, მათ შორის 2 ბავშვი ემსხვერპლა.
ინფორმაციას სააგენტო Reuters-ი ავრცელებს.