მსოფლიო მასშტაბით კოვიდ 19-ით ინფიცირების კუთხით, ინდოეთი პირველ ხუთ ქვეყანას შორის მეორე პოზიციას იკავებს.
Worldometers-ის განახლებული მონაცემების მიხედვით, გასული დღე-ღამის განმავლობაში ინდოეთში კორონავირუსით ინფიცირების 310,822 ახალი შემთხვევა დადასტურდა, ხოლო დროის ამ მონაკვეთში ვირუსს 4,090 ადამიანი ემსხვერპლა.
ინდოეთში, პანდემიის დაწყების დროიდან, კოვიდ 19-ით ინფიცირების 24 მლნ-ზე მეტი შემთხვევაა დადასტურებული და დაღუპულია 270,319 ადამიანი.
