უკრაინის პრეზიდენტი ვლადიმირ ზელენსკი აცხადებს, რომ 137 უკრაინის მოქალაქე – როგორც ჯარისკაცი, ასევე მშვიდობიანი მოქალაქე დაიღუპა ხუთშაბათს, რუსეთის მასიური სამხედრო თავდასხმის პირველ დღეს.
შეგახსენებთ, უკრაინის პრეზიდენტმა ვლადიმირ ზელენსკიმ ახლახანს ხელი მოაწერა განკარგულებას საყოველთაო მობილიზაციის შესახებ.
განკარგულების თანახმად, მობილიზაცია განხორციელდება დადგენილების ძალაში შესვლიდან 90 დღის ვადაში უკრაინის მთელ ტერიტორიაზე. მინისტრთა კაბინეტს დაევალა ფინანსური მხარდაჭერისა და სხვა ზომების უზრუნველყოფა, რაც მიმდინარე მობილიზაციასთან არის დაკავშირებული.
