რუსეთში მოღვაწე, ქართველი მომღერალი ვალერი მელაძე და მისი მეუღლე, ჯგუფ “ვია გრას” ყოფილი სოლისტი, 41 წლის ალბინა ჯანაბაევა ორსულად არის. ამ სიახლის შესახებ მან საზოგადოებას “ინსტაგრამის” საშუალებით ამცნო. ალბინამ ახალი ფოტო გამოაქვეყნა, სადაც ის შავ კაბაშია.
“მოლოდინში” – დაწერა მან.
ალბინასთვის ეს მესამე შვილი იქნება – მას ორი ვაჟი ჰყავს ვალერი მელაძესთან. თავად ვალერის კი კიდევ სამი ქალიშვილი ჰყავს პირველი ქორწინებიდან.
ვალერისა და ალბინას ურთიერთობა არც ისე მარტივი იყო. მათი პირველი საერთო შვილი კონსტანტინი ჯერ კიდევ მაშინ გაჩნდა, როცა ვალერი პირველ ქორწინებაში იყო. მეორე ვაი ლუკა 2014 წელს დაიბადა, როცა წყვილი უკვე ერთად ცხოვრობდა. ახლა კი აღმოჩნდა, რომ ჯანაბაევამ კიდევ ერთი შვილის გაჩენა გადაწყვიტა. ფოტოს მიხედვით თუ ვიმსჯელებთ, მალე გააჩენს კიდეც.
ვალერის ქალიშვილები ალბინასთან არ კონტაქტობენ. მხოლოდ ძმებთან აქვთ ურთიერთობა. როგორც ჩანს, დედისთვის მიყენებულ წყენას ვერ ივიწყებენ. ცნობილია, რომ ალბინას ვალერის პირველ ცოლთან მშვენიერი ურთიერთობა ჰქონდა, საკმაოდ ახლოც, თუმცა ირინა არც კი ეჭვობდა, რომ ამ დროს ალბინას და ვალერის შორის რომანი იყო გაჩაღებული. მხოლოდ რამდენიმე წლის შემდეგ გაირკვა ყველაფერი და გამოჩნდა ბავშვიც, რომელიც ყველასგან მალულად გაჩნდა.
