TaoNews.Ge

ირმა ინაშვილი: რაც ხდება, ქართველი ხალხის მორიგი ღალატია

დღისით, მზისით, თბილისის ცენტრში, კაფეში ვხვდები ჩემს კოლეგას ბადრი ჯაფარიძეს და ეს შეხვედრა სახელისუფლებო არხების მხრიდან შეფასებულია, როგორც “კონსპირაციული-ირმა ინაშვილი

„პატრიოტთა ალიანსის“ და „ლელოს“ ლიდერებს შორის შეხვედრა შედგა. ირმა ინაშვილი ამ ფაქტს ადასტურებს და შეხვედრის მიზეზებს განმარტავს. მან აღნიშნა, რომ ბადრი ჯაფარიძეს აქამდეც არაერთხელ შეხვედრია.
,,სიტყვა “კონსპირაციული” რას ნიშნავს, იქნებ რედაქტორებმა განუმარტონ “რუსთავი-2”-სა და “იმედის” ჟურნალისტებს. მართლა სასაცილოა, როცა დღისით, მზისით, თბილისის ცენტრში, კაფეში ვხვდები ჩემს კოლეგას ბადრი ჯაფარიძეს და ეს შეხვედრა სახელისუფლებო არხების მხრიდან შეფასებულია, როგორც “კონსპირაციული”. სინდისი საერთოდ აღარ გაქვთ?! ყოველგვარ უზნეობას ხომ უნდა ჰქონდეს საზღვარი?! ვინ გავალებთ ამას, რატომ გავალებთ, რისი მიღწევა უნდა?! არ გრცხვენიათ?! კოლექტიური “რეალ tv” გახდით, ყოჩაღ! ეს ერთი.
მეორე- ბადრი ჯაფარიძეს დიდიხანია ვიცნობ. ასევე, დიდიხანია ბადრი ჯაფარიძეს იცნობს დავით თარხან-მოურავი, ეს გასაკვირი არ უნდა იყოს. საქართველოში ადამიანურ ურთიერთობებს განსაკუთრებული მნიშვნელობა აქვს. ჩვენ ბადრის ვიცნობთ, პატივს ვცემთ, ამ ურთიერთობას შევინარჩუნებთ…
მაგრამ ამას კავშირი არა აქვს არჩევნებთან. ბადრი ჯაფარიძეს ათასჯერ შევხვედრივარ და არავინ დაინტერესებულა. დღეს შევხვდი და სახელისუფლებო არხები მაინც და მაინც ახლა დაინტერესდნენ ჩვენი შეხვედრით. ისე, უფლებამოსილებას უკანონოდ რომ გვართმევდნენ მე და ჩვენი გუნდის წევრებს, მაშინ არც “რუსთავი-2” დაინტერესებულა და არც “იმედი”… “ქართული ოცნება” გაავებულად (რატომღაც) მაინც და მაინც ჩვენ რომ გვებრძვის, არც ამითი დაინტერესებულა “რუსთავი-2” ან “იმედი” და დღეს ბადრის რატომ შევხვდი, ეს აინტერესებთ თურმე. სინამდვილეში შუალედური არჩევნების თემა აინტერესებთ და პარტიის ოფისში მობრძანებულ სახელისუფლებო ტელეარხებს გავეცი ამ კითხვაზე საჯარო პასუხი.
არ მონაწილეობს პატრიოტთა ალიანსი ამ არჩევნებში! არც პატრიოტთა ერთიანი ფრონტი მიიღებს მონაწილეობას ამ არჩევნებში და საერთო კანდიდატიც არ გვეყოლება! არჩევნებში მონაწილეობას აზრი მაშინ ექნება, როცა სისტემა ნამდვილად შეიცვლება და სამართლიანი, სანდო და გამჭვირვალე გახდება. ამიტომ ბუნებრივია, რომ ჩვენ არავის დავუჭერთ მხარს და არანაირად არ ჩავერთვებით არც რუსთავის არჩევნებში და არც სხვა ოლქებში დანიშნულ არჩევნებში.”-განაცახადა ირმა ინაშვილმა

მსგავსი სიახლეები

No Content Available
კოპირება აკრძალულია!