საქართველოს ფინანსთა სამინისტროს საგამოძიებო სამსახურის ცნობით , ფინანსთა სამინისტროს საგამოძიებო სამსახურის თანამშრომლების მიერ, საგამოძიებო მოქმედებების შედეგად, დაკავებულია ოთხი პირი, დიდი ოდენობით ყალბი ფულის დამზადება-გასაღების ფაქტზე.
მათი ინფორმაციით, გამოძიებით დადგინდა, რომ ბრალდებულებმა, უკანონო მატერიალური სარგებლის მიღების მიზნით, საქართველოს სხვადასხვა რეგიონში არსებულ სავაჭრო ობიექტებსა და სწრაფი გადახდის აპარატების მეშვეობით გაასაღეს ჯამში 11 300 ლარის ოდენობის 113 ცალი ყალბი 100 ლარიანი კუპიურა.
გამოძიება საქართველოს სისხლის სამართლის კოდექსის 212-ე მუხლის მე-3 და მე-4 ნაწილებით მიმდინარეობს, რაც სასჯელის სახით ითვალისწინებს თავისუფლების აღკვეთას 10-დან 15 წლამდე ვადით.
