იმედია, ირაკლი ღარიბაშვილი გამბედაობას გამოიჩენს და ფრენის ნებართვას გასცემს, – ამის შესახებ უკრაინის პრემიერი-მინისტრი დენის შმიგალი “ტვიტერზე” ქართველი მოხალისეების გამგზავრებასთან დაკავშირებით წერს.
“მამაცი ქართველი ძმები უკრაინის დასახმარებლად აეროპორტში ფრენას ელოდებიან. იმედია @GharibashviliGe გამბედაობას გამოიჩენს და ფრენის ნებართვას გასცემს. უკრაინა ამას ელოდება! ევროპა ამას ელოდება!
თავისუფლებისმოყვარე ქართველო ხალხო, დაეხმარეთ თქვენს პრემიერს სწორი გადაწყვეტილების მიღებაში!
#StopRussia“, – წერს შმიგალი “ტვიტერზე” ქართულ ენაზე.
თვითმფრინავი, რომელსაც უკრაინაში მოხალისეები უნდა გადაეყვანა, საქართველოში არ შემოუშვეს.
სპეცრეისი თბილისის საერთაშორისო აეროპორტიდან 18:00 საათზე უნდა შესრულებულიყო. უკრაინაში გამგზავრებას 90 მოხალისე ელოდება.
