„ქრონიკას“ ინფორმაციით, თავდაცვის ყოფილი მინისტრი დავით კეზერაშვილი საქართველოს წინააღმდეგ ახალ გარიგებებს იწყებს. დავით კეზერაშვილი ყოფილ სახელმწიფო მინისტრ თემურ იაკობაშვილთან და დიდ ბრიტანეთში ყოფილ ელჩთან გიორგი ბადრიძესთან ერთად ბრიტანულ კომპანიასთან საიდუმლო მოლაპარაკებებს მართავს.
ლობისტურმა ბრიტანულმა კომპანიამ საქართველოში უნდა მოახდინოს ანტისახელისუფლებო კამპანიის ლობირება მთავრობის დისკრედიტაციის მიზნით, რა დროსაც გამოკვეთილი უნდა იყოს ე.წ. რუსული ხაზი და სააკაშვილის წამების თემა.
იმის გამო, რომ ლობისტურ კომპანიასთან გაფორმებულმა კონტრაქტმა ხმაური არ გამოიწვიოს, მხოლოდ 100 000 ფუნტის ღირებულების კონტრაქტი გაფორმდება, ხოლო დანარჩენი გადაიხდება ქეშად- აღნიშნიულია „ქრონიკას“ ინფორმაციაში.
