„გერმანია აპირებს ზაფხულის დასაწყისისთვის რუსული ნავთობის იმპორტის განახევრებას და წლის ბოლომდე ნულამდე დაყვანას, გადაწყვეტილება ეხება რუსულ ბუნებრივ აირსაც“, – ამის შესახებ გერმანიის საგარეო საქმეთა მინისტრი ანალენა ბაერბოკი აცხადებს.
„გარკვევით და ცალსახად ვამბობ: დიახ, გერმანიაც მთლიანად შეაჩერებს რუსული ენერგიის იმპორტს. ზაფხულისთვის ნავთობს გავანახევრებთ და წლის ბოლომდე ნულზე დავიყვანთ“, – აცხადებს მინისტრი.
შეგახსენებთ, რუსეთისთვის დაწესებული სანქციების ფარგლებში, ევროკავშირი რუსული ნავთობის ემბარგოს საკითხს განიხილავს.