აშშ-ის საელჩო მოსკოვში ამერიკელებს სთხოვს მოერიდონ ხალხმრავლობას და იფიქრონ რუსეთის ტერიტორიის დატოვებაზე რუსეთში ტერაქტების საფრთხის გამო. განცხადება დიპლომატიური მისიის ვებგვერდზე გამოქვეყნდა.
„მედიის ცნობით, იყო თავდასხმების მუქარა სავაჭრო ცენტრებზე, რკინიგზის სადგურებსა და მეტროსადგურებზე, ისევე როგორც სხვა ხალხმრავალ ადგილებზე დიდ ქალაქებში, მათ შორის მოსკოვსა და სანქტ-პეტერბურგში, ასევე მაღალი დაძაბულობის რაიონებში საზღვრის გასწვრივ“ – განაცხადეს საელჩოში.
აშშ მოქალაქეებს მოუწოდებს, თავი შეიკავონ სახმელეთო მოგზაურობისგან რუსეთიდან უკრაინაში რეგიონის გავლით.
