TaoNews.Ge

ყვარელში, “საქართველოს ბანკის” ფილიალში შეიარაღებული პირი შეიჭრა და მძევლები აიყვანა – ადგილზე მობილიზებულია პოლიცია

შინაგან საქმეთა სამინისტროს თანამშრომლები ყვარელში, ჭავჭავაძის ქუჩაზე მობილიზებული არიან.

პირველადი ინფორმაციით, საქართველოს ბანკის ფილიალში შეჭრილია შეიარაღებული პირი.

არსებული ცნობით, თავდამსხმელმა მძევლები აიყვანა.

შსს მომხდართან დაკავშირებით სპეციალურ განცხადებას ავრცელებს:

“თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.

შინაგან საქმეთა სამინისტრო მოუწოდებს მედიის წარმომადგენლებს – დაიცვან უსაფრთხოების ნორმები და დაემორჩილონ ადგილზე პოლიციელთა მითითებებს” – ნათქვამია შსს-ს ინფორმაციაში.

მსგავსი სიახლეები

No Content Available
კოპირება აკრძალულია!